Tags-Chehra

kah ga.e 'ahsan' ke muñh par aaj vo
terī sūrat se bhī nafrat ho ga.ī

utre jo vo siine meñ to ilhām kī sūrat
Thahre to larazne lage shabnam kī ridā bhī

apnā jab kū-e-tasavvur meñ guzār aa.e nazar
jis taraf dekheñ udhar sūrat-e-yār aa.e nazar

dil bhar aayā kāġhaz-e-ḳhālī kī sūrat dekh kar
jin ko likhnā thā vo sab bāteñ zabānī ho ga.iiñ

lam-yazal sher kī sūrat tū bhī
masnad-e-dil pe utar bāteñ kar

behtar hai ḳhud hī ajnabī ban kar use mileñ
ilzām aa.e kyuuñ mire sūrat-shanās par

uTThe haiñ tire dar se agar sūrat-e-dīvār
ruḳhsat bhī to juuñ sāya-e-dīvār hue haiñ

ā.īne ko naaz thā kyā apne rū-e-sāf par
aañkh hī par dekhte hī terī sūrat khul ga.ī

jam ga.e raah meñ ham naqsh-e-qadam kī sūrat
naqsh-e-pā raah dikhāte haiñ ki vo aate haiñ

ho badan ke loch kā kyā bayāñ kisī nai kī mauj hai par-fishāñ
koī lai hai zer-e-qabā nihāñ koī shai ba-sūrat-e-rāz hai

adh-khulī āñkheñ haiñ 'ḳhāvar' aur sāñsoñ kā azaab
laash kī sūrat paḌā huuñ kargasoñ ke darmiyāñ

gardish-e-vaqt ne kyā phir koī sūrat badlī
yā yūñhī vaqt-guzāroñ ko hañsī aatī hai

ab nikaltā hī nahīñ sūrat se aks
dil kī ye ā.īna-sāmānī abas

tū ne muñh pherā aur us kā nuur sā jaatā rahā
thā tirī sūrat hī tak ai yaar ā.īñe kā lutf

raaz meñ rah na sakegī koī iz.hār kī lai
ik na ik sūrat-e-āhañg dikhā.ī degī

bechārī ke ārām kī sūrat hī kahāñ hai
beva kī javānī bhī ajab āfat-e-jāñ hai

dikhāne ko nahīñ ham muztarib hālat hī aisī hai
masal hai ro rahe ho kyuuñ kahā sūrat hī aisī hai

sūrat-e-gard-e-kārvāñ hai ġham-e-manzil-e-jahāñ
ḳhvāb-e-junūn-e-tāza-kār chāhiye raah ke liye

sub.h-dam chhoḌ gayā nik.hat-e-gul kī sūrat
raat ko ġhuncha-e-dil meñ simaT aane vaalā

habāb-e-bahr kī sūrat ubharne kī zarūrat kyā
numūd-e-be-mahal kā jab burā anjām hotā hai