Tags-Chehra

imtiyāz-e-sūrat-o-ma.anī se begāna huā
aa.ine ko aa.ina hairāñ ko hairāñ dekh kar

hashr tak bhī khīñch nahīñ sakne kī sūrat yaar kī
gar yūñhī hujjat rahegī mānī-o-bahzād meñ

jis din se gayā vo jān-e-ġhazal har misre kī sūrat bigḌī
har lafz pareshāñ dikhtā hai, is darja varaq namnāk huā

insān kī sūrat meñ ka.ī rañg ke patthar
ham siine pe rakkhe hue ḳhvābīda rahe haiñ

kabhī falak to samundar kabhī uThā laayā
pasand donoñ ko hai āftāb kī sūrat

ḳhud apnī kargasī fitrat se ho ga.e rusvā
vagarna tum bhī uThe the uqaab kī sūrat

malāmateñ ġham-o-ālām fikr māyūsī
ye zindagī hai shikasta kitāb kī sūrat

havāo dil kī taraf ehtiyāt se jaanā
vajūd amn kā hai qaa.em hubāb kī sūrat

mujhe to jo bhī milā hai azaab kī sūrat
mirī hayāt hai ik tishna ḳhvāb kī sūrat

shaguftagī kī jagah jhurriyoñ ne le lī hai
hamārā chehra thā 'ājiz' gulāb kī sūrat

donoñ vaqt milte haiñ do diloñ kī sūrat se
āsmāñ ne ḳhush ho kar rañg sā bikherā hai

ḳhvāhisheñ ḳhvāb dikhātī haiñ tire milne kā
ḳhvāb se kah de ki ta.abīr kī sūrat aa.e

ghaḌī bhar rañg nikhrā sūrat-e-gul-hā-e-tar merā
usī hastī pe us gulshan meñ thā ye shor-o-shar merā

havā ko zid ki uḌā.egī dhuul har sūrat
hameñ ye dhun hai ki ā.īna saaf karnā hai

yahī sūrat hai ab taqdīr ke chakkar nikalne kī
ilāhī āstāna ho haram kā aur sar merā

dil aa.e na kyuuñ kyuuñ na īmān jaa.e
ye sūrat tumhārī ye ġhamza tumhārā

kabhī maiñ sarv kī sūrat nazar aatā thā yāroñ ko
kabhī ġhunche kī sūrat apne hī dil meñ dhaḌaktā thā

ishq apnā hai faqat itnā 'ravāñ'
achchhī sūrat aage aa.ī dekh lī

kabhī mulk-e-halab meñ huuñ kabhī shahr-e-ḳhutan meñ huuñ
nahīñ rahtā tirī shohrat kī sūrat ek sū ho kar

sūrat ek tarāshūñgā to sau rah jā.eñgī
kyuuñ patthar ko subuk karūñ maiñ paikar-vaikar kyā