Tags-Chehra

ab jī ke bahalne kī hai ek yahī sūrat
biitī huī kuchh bāteñ ham yaad kareñ phir se

phir kabhī ho ki na ho milne kī sūrat paidā
chand saa.at hī chale mahfil-e-yārāñ kuchh aur

be-ḳhvābī-e-paiham se bezār bhī karnā hai
bastī ko kisī sūrat bedār bhī karnā hai

qānūn-e-bāġh-bāni-e-sahra to likh chuke
unvān-e-zīst bhī kisī sūrat raqam to ho

ab ke bhī chashm-e-numū jaagī to kyā farq paḌā
vahī sūrat ki samar auroñ ke patthar mere

sirf sūrat nahīñ jis meñ sīrat dikhe
aisā ban kar chale ham-safar aa.ina

abr kī sūrat baraste haiñ buland-o-past par
ham nahīñ aañsū bahāte lag ke dīvāroñ ke saath

sūrat-e-hālāt hī par baat karnī hai agar
phir muḳhātab ho koī bhī anjuman koī bhī ho

hai agar zo.am-e-bartarī tum ko
ye bhī ik sūrat-e-zavāl to hai

ai musavvir sūrat-e-dil-gīr khīñch
le hamārā rañg bhar tasvīr khīñch

jab tak jiye bikharte rahe TūTte rahe
ham saañs saañs qarz kī sūrat adā hue

ye miTTī paañv meñ zanjīr kī sūrat hai varna ham
zamīñ ko chhoḌ kar ik ḳhitta-e-shādāb meñ hote

jab se samjhe haiñ pyaar ke ma.anī
us ne sūrat nahīñ dikhā.ī hai

hamāre beach takallum kī ek sūrat thī
ki husn tujh pe utartā aur aa.ina mujh par

jab ki parvāz-e-taḳhayyul ne bhī sūrat paalī
kitnā be-ma.anī sā ab taḳht-e-sulaimāñ niklā

zulm kī shiddat ḳhud apnī hī maut kā baa.is bantī hai
jiit kī sūrat dekh rahe haiñ ham apnī paspā.ī meñ

sūrat-parast merī nigāhoñ ne asl meñ
dil kyā mire vajūd kī miTTī ḳharāb kī

vo daur bhī thā ki fāsloñ se guzar rahī thī nadī kī sūrat
na jaane kis kī duā hai yāroñ ki mujh meñ bhī aa ga.ī udāsī

maiñ ik raqīb kī sūrat huuñ darmiyāñ meñ magar
zamīñ kī god harī hai inhī kisānoñ se

dil ke ā.īne meñ jab aap kī sūrat dekhī
jis ko dhokā maiñ samajhtā thā vo dhokā bhī gayā