Tags-Chehra

jaane kyā sūrat-e-hālāt raqam thī us meñ
jo varaq chaak huā us ko dobārā dekheñ

simaT ke aa ga.ī kāġhaz pe sūrat-e-ash.ār
hamārī fikr ne jab bhī kisī ghuTan ko chhuā

aa.ine ko tirī sūrat se na ho kyuuñ kar hairat
dar o dīvār tujhe dekh ke hairān hai aaj

āḌī-tirchhī lakīreñ raushan hoñ
kuchh to ho sūrat-e-nigārish phir

ye ek pal jo hai maj.hūl shaḳhs kī sūrat
mizāj-e-āgahi-e-māh-o-sāl pūchhegā

ab koī sūrat-e-guftār nazar aatī nahīñ
vo bhī ḳhāmosh mirā radd-e-amal bhī ḳhāmosh

tirī āvāz jagā.egī samā.at meñ fusūñ
terī sūrat mujhe andhā nahīñ hone degī

kuchh log gulāboñ kī sūrat kāñToñ se guzāra karte haiñ
mahrūm-e-mohabbat ho kar bhī vo pyaar kī bāteñ karte haiñ

sū-ba-sū bhaTke nigāhoñ meñ liye us kī sī
ek sūrat bhī kisī dar na darīcha niklī

aur ab thak ga.iiñ āñkheñ merī
dekhte dekhte sūrat in kī

maiñ ne sochā thā ki is baar ba-īñ sūrat-e-hāl
mere darvāze pe shahnā.iyāñ sab dekheñge

pā-e-shauq meñ kab tak rāstoñ kī zanjīreñ
sūrat-e-sabā chaliye sair chār-sū kiije

zarre zarre meñ hai tirī sūrat
ham se apnī shabāhateñ mat pūchh

shahr ye sāyoñ kā hai is meñ banī-ādam kahāñ
ab kisī sūrat yahāñ insān honā chāhiye

ek usī ko dekh na paa.e varna shahr kī saḌkoñ par
achchhī achchhī poshākeñ haiñ achchhī sūrat vaale haiñ

ai husn-e-be-misāl majāl aa.ine kī kyā
jo aa sake kabhī tirī sūrat ke sāmne

hasrat se chup huuñ maiñ tirī sūrat ke sāmne
jaise gunāhgār ho jannat ke sāmne

zauq meñ sūrat-e-mauj aa ke fanā ho jā.ūñ
koī bosa to bhalā ai lab-e-sāhil denā

surāġh-e-mausam-e-gul ke amiin kī sūrat
khile hue haiñ ḳhizāñ meñ bhī zaḳhm-e-sar mere

aaj aḳhbār kī ḳhabreñ bhī haiñ mashkūk 'farāz'
aa.ina sūrat-e-hālāt kā bhī TuuT gayā