Tags-Chehra

ik nihāl-e-ḳhasta kī sūrat khaḌā huuñ raah meñ
mujh ko aane vaalī rut kā aasrā dene se kyā

kisī sūrat to sharh-e-ārzū-e-shauq karnī hai
zabāñ chup hai agar ai dil to aap apnī zabāñ ho jā

bhulā chukī dil se shām-e-ġhurbat har ek naqsha har ek sūrat
hamārī āñkhoñ meñ lekin ab tak faroġh-e-sub.h-e-vatan hai baaqī

lafz kī buhtāt itnī naqd o fan meñ aa ga.ī
masḳh ho kar sūrat-e-ma.anī suḳhan meñ aa ga.ī

yahī kaheñge ki bas sūrat-āshnā.ī thī
jo ahd TuuT chukā yaad kyā dilānā vo

judā.ī kab rahī mumkin kisī hālat koī sūrat
mujhe mahfil ho tanhā.ī tirā ġham DhūñD letā hai

hurūf arz talab kī sūrat guzarte lamhoñ kā ḳhvāb likhnā
hamārī āñkhoñ ke sāmne hī hamāre dil kī kitāb likhnā

vo ḳhafā aur ik jahāñ dushman
ab koī sūrat-e-hayāt nahīñ

ḳhurshīd-e-qayāmat kī adā dekh rahā huuñ
miltī huī sūrat hai mire dāġh-e-jigar se

hamārī us se jo sūrat huī safā.ī kī
hujūm-e-ġham ne adū par baḌī chaḌhā.ī kī

dostī ye hai ki ḳhushbū ke liye
rañg zindānī-e-sūrat Thahre

kyā qayāmat hai vo qātil mujh meñ
mere ehsās kī sūrat Thahre

tū hai ḳhurshīd na maiñ huuñ shabnam
kyā mulāqāt kī sūrat Thahre

jo bhī hai sūrat-e-hālāt kaho chup na raho
raat agar hai to use raat kaho chup na raho

ka.abe meñ ḳhāmoshī hai sanam-ḳhāne meñ sukūt
sūrat-parast ab tire sajda kidhar kareñ

apnī sūrat lagī parā.ī sī
jab kabhī ham ne ā.īna dekhā

jo dil meñ hai use nā-gufta rahne de to behtar hai
badaltī sūrat-e-harf-o-ma.ānī kā tamāshā kar

aurat huuñ magar sūrat-e-kohsār khaḌī huuñ
ik sach ke tahaffuz ke liye sab se laḌī huuñ

phūloñ pe barastī huuñ kabhī sūrat-e-shabnam
badlī huī rut meñ kabhī sāvan kī jhaḌī huuñ

is dasht-e-balā meñ na samajh ḳhud ko akelā
maiñ chob kī sūrat tire ḳheme meñ gaḌī huuñ