Tags-Chehra

us ke jaane se mirā dil hai mire siine meñ
dam kā mehmān charāġh-e-saharī kī sūrat

ik pal qarār aatā do din kī zindagī meñ
bechainiyāñ hī miltīñ sūrat badal badal ke

ab vo bāteñ na vo rāteñ na mulāqāteñ haiñ
mahfileñ ḳhvāb kī sūrat huiiñ vīrāñ kyā kyā

vaqt be-vaqt jhalaktā hai mirī sūrat se
kaun chehra mirī tashkīl meñ aayā huā hai

ek sūrat to hai jo us ne mohabbat kī hai
baat jazbe kī hai yā baat zarūrat kī hai

koī sūrat ho dikhā.ī tū de
tū ki āñkhoñ meñ jaḌā hai ab tak

ik taa.ir duur jahānoñ kā
ik sūrat-gar imkānoñ kā

zalzale kī sūrat meñ ishq vaar kartā hai
sochne samajhne meñ der kuchh to lagtī hai

rañg-e-ḳhullat se dil-e-shaidā muraqqa.a ban gayā
ye ḳhudā kā ghar bhī is sūrat se but-ḳhāna huā

hai ab to qat-e-ta.alluq kī ek hī sūrat
ḳhudā kare tū hameñ dekh kar na pahchāne

mire vajūd pe utrī haiñ lafz kī sūrat
bhaTak rahī thiiñ ḳhalāoñ meñ ye sadā.eñ kahīñ

terī sūrat nigāhoñ meñ phirtī rahe ishq terā satā.e to maiñ kyā karūñ
koī itnā to aa kar batā de mujhe jab tirī yaad aa.e to maiñ kyā karūñ

kisī sūrat se us mahfil meñ jā kar
muqaddar ham bhī dekheñ aazmā kar

kisī sūrat se nahīñ jaañ ko farār ai 'ātish'
tapish-e-dil mujhe lāchār liye phirtī hai

vo rañg-e-fasl-e-gul hai ki patjhaḌ bhī maat khaa.e
vo sūrat-e-chaman hai ki sahrā kahīñ jise

ḳhudā par hī sadā īmān rakhnā
bahar-sūrat usī kā dhyān rakhnā

kyoñ na har ik jānib ab shahzāde kī sūrat ho
ham ne us ko naqsh kiyā hai āñkhoñ ke us paar

TuuT ke patthar girte rahte haiñ din raat chaTānoñ se
sāvan kī barsāt kī sūrat barseñ tiir kamānoñ se

guzar na dil ke bayābāñ se abr kī sūrat
sukūt-e-dasht ko maujoñ kā iztirāb na de

ḳhuub itnā thā ki dīvār pakaḌ kar niklā
us se milne ke liye sūrat-e-sāya gayā maiñ