Tags-Chehra

ab tak koī taskīn kī sūrat nahīñ niklī
din Dhal gayā shaam aa ga.ī taare nikal aa.e

koī ta.amīr kī sūrat nikālo
koī taaza binā-e-ishq Daalo

bahut sūrat ko maiñ tarsā na paayā
na paayā vo bahut tarsā na paayā

lashkar aayā thā magar qāfile kī sūrat huuñ
kisī bhī shakl meñ paspā.ī mujhe aatī nahīñ

vīrāne par bin barsā ik bādal huuñ maiñ
bojhal āñkheñ aur sūrat nā-shādoñ vaalī

ye ḳhadd-o-ḳhāl ye gesū ye sūrat-e-zebā
sabhī kā husn hai apnī jagah magar āñkheñ

husn ko chāñd javānī ko kañval kahte haiñ
un kī sūrat nazar aa.e to ġhazal kahte haiñ

dil nahīñ tujh ḳhayāl suuñ ḳhālī
is sabab sūrat-e-ḳhayālī huuñ

kisī sūrat bhī radd hotā nahīñ ye faisla dil kā
nazar aatā nahīñ koī bhī tujh sā dūsrā mujh ko

na niklī aaj gar koī yahāñ yakjā.ī kī sūrat
to kal se DhūñDte phirnā jahāñ meñ jā-ba-jā mujh ko

phir banāyā ḳhudā ne aadam ko
apnī sūrat pe aisī sūrat meñ

jis peḌ kī chhāñv bhī lage dhuup kī sūrat
us peḌ pe panchhī bhī baserā nahīñ karte

farhat kī sūrat niiñ nazar aa.ī mujhe ai nūr-e-chashm
terī judā.ī meñ magar aalam ko mahzūnī diyā

hañsne kā tarīqa paidā kar rone kā salīqa paidā kar
hañs phuul kī sūrat gulshan meñ ro sham.a kī sūrat mahfil meñ

farishtoñ jaisī sūrat kyuuñ banā lī
koī ham se sharārat ho ga.ī kyā

har ik samt nāgin kī sūrat lapaktī huī tīrgī se hirāsāñ na ho
ajab kyā ki lau de uThe mere lams-e-farozāñ se terā sulagtā badan

kyā hue sūrat-nigārāñ ḳhvāb ke
ḳhvāb ke sūrat-nigārāñ kyā hue

uThā ke sar pe phirūñ bār-e-ārzū 'mohsin'
kamar ko ḳham maiñ kabhī sūrat-e-kamāñ na karūñ

dost banāne kī ḳhātir
sūrat sab pahchānī rakh

ḳhvāhishoñ ke ḳhūbsūrat qasr kī ta.amīr kar
kar mujassam ḳhvāb ko me.amār ko tasvīr kar