Tags-Chehra

terī āñkhoñ kā ye jaadū kahīñ le jā.egā
ye tirī saada sī sūrat mujhe le Dūbegī

agar tum ne na pahchānā to kyā ab rañj-e-furqat meñ
mujhe apnī bhī sūrat ajnabī ma.alūm hotī hai

maiñ tishnagī kā gilā kyā karūñ ki sūrat-e-dil
lahū kī mai se chhalaktā huā ayāġh to hai

apnī sūrat meñ bhī 'ḳhātir' ek guuna sehr thā
ā.ina-ḳhānoñ meñ farzāne bhī dīvāne hue

ajab Dar hai maTīlī vādiyāñ uupar ko taktī haiñ
kisī tūfān kī sūrat na tayyāra utar aa.e

koī sūrat na koī ā.īna
dīdanī hai nazar kā sannāTā

ḳhud ko murshid maan le pyāre kyuuñ aur kyā kā bhed samajh
apnī sūrat taktā rah aur phir kaisā kā bhed samajh

vo kabhī mehrbān ho jaatā
aisī sūrat nazar nahīñ aatī

'farāz' tere junūñ kā ḳhayāl hai varna
ye kyā zarūr vo sūrat sabhī ko pyārī lage

ragoñ meñ ab ''merī terā lahū hai
mirī sūrat bhī tujh sī hū-ba-hū hai

jaane kis ḳhitta-e-aflāk se utrā 'ārif'
jo ik insān kī sūrat bhī hai insāñ bhī nahīñ

gaalī ke sivā haath bhī chaltā hai ab un kā
har roz na.ī hotī hai bedād kī sūrat

ab to ai rashk-e-chaman sūrat dikhānā chāhiye
nāla-kash hai andalīb-e-zār qiasar-bāġh meñ

mujhe hairat, maiñ ik nuqte kī sūrat kis tarah simTā
ḳhalā hai aañkh merī maiñ samundar se kushāda huuñ

mujhe lagte haiñ ḳhush sab seb sūrat aaj bhī 'manzūr'
ki maiñ apne kisī ahd-e-shikasta kā i.aada huuñ

vo sañg kabhī mom kī sūrat bane 'nusrat'
ab itnā asar lā.ūñ kahāñ apnī zabāñ meñ

koī bhī sūrat-e-ahvāl ko na jānegā
jo dil kī baat hai dil meñ rakho huā so huā

vus.at-e-shahr-e-tañg-dil sarmā kī sub.h-e-sard meñ
jaagī hai Dar ke ḳhvāb se sūrat-e-faqīr ke sabab

rabt-e-pinhāñ kī sadāqat hai na milnā terā
tere milne hī kī sūrat hai na milnā terā

kisī sūrat kisī unvāñ se talāfī na huī
kis qadar talḳh haqīqat hai na milnā terā