Tags-Chehra

vo sitārā thī ki shabnam thī ki phuul
ek sūrat thī ajab yaad nahīñ

banā tasavvur-e-lailā ba-sūrat-e-tasvīr
kabhī jo qais kī āñkhoñ meñ shab ko ḳhvāb aayā

hamesha sūrat-e-anjum khulī rahīñ āñkheñ
firāq-e-yār meñ kis roz mujh ko ḳhvāb aayā

phirā hai yuuñ vo ruḳh-e-ā.ina-numā mujh se
koī nahīñ merī sūrat sañvārne vaalā

udhar paas chilman ke maujūd the vo idhar the pareshān un ke fidā.ī
rahā sharm-o-shoḳhī kā dilkash tamāshā na jalva dikhāyā na sūrat chhupā.ī

choTiyāñ chhū kar guzarte haiñ baraste kyuuñ nahīñ
bādaloñ kī ek sūrat aadmī jaisī bhī hai

jo aañkh kī putlī meñ rahā nuur kī sūrat
vo shaḳhs mire ghar ke añdhere kā sabab hai

sūrat-e-hāl ne mash.hūd kiyā kaif-e-batūñ
rāz-e-sar-basta mirā girya-e-pinhāñ na huā

purānī shakl sūrat gar malāmat ban ga.ī hai
na.ī miTTī se phir ījād honā chāhtā huuñ

ye kaun vaqt kī sūrat mujhe badaltā hai
ye kyā kisī ke liye kuchh huuñ kuchh kisī ke liye

ye kahnā masnad-e-shāḳh-e-numū pe thā jo kabhī
vo phuul sūrat-e-ḳhushbū bikhar gayā kahnā

dariyā meñ mauj ban ke kahāñ tak rahe koī
mauj-e-ravāñ ba-sūrat-e-dīvār-o-dar nahīñ

zindagī bahr-e-be-karāñ hī sahī
ham to bas sūrat-e-habāb aa.e

apne chehre se jo zulfoñ ko haTāyā us ne
dekh lī shaam ne tābinda sahar kī sūrat

ashk-bārī na miTī sīna-figārī na ga.ī
lāla-kārī kisī sūrat bhī hamārī na ga.ī

zard sūrat pe hijr meñ na hañso
sharh hai rañg-e-zāfrānī kī

kahāñ vo nuur kī sūrat vo nuur kī āvāz
'riyāz' kaun sunā.e ġhazal ye gā ke mujhe

ishq hamārī miTTī meñ thā
sūrat kyuuñ patthar kī banā dī

vo kaun thā jo le ke mujhe ghar se chal paḌā
sūrat ḳhizar kī thī na vo chehra ḳhizar kā thā

sāmne ik vahī sūrat nahīñ rahtī aksar
jo kabhī aañkh se ojhal nahīñ dekhī jaatī