Tags-Crime

ham meñ hī ālam-e-akbar hue go jurm-e-saġhīr
maz.har-e-jalva-e-haq hazrat-e-insāñ haiñ ham

dīvār-e-zindāñ ke pīchhe
jurm-e-mohabbat meñ baiThā huuñ

be-jurm kiyā jo qatl mujh ko
jallād ḳhajil huā mire ba.ad

sadiyoñ ke baad hosh meñ jo aa rahā huuñ maiñ
lagtā hai pahle jurm ko dohrā rahā huuñ maiñ

sābit huā kisī pe na jurm-e-vafā kabhī
parda khulā na ishq-e-sarāpā-gunāh kā

aur is se pahle ki sābit ho jurm-e-ḳhāmoshī
ham apnī raa.e kā iz.hār karnā chāhte haiñ

bevafā.ī us kī mere saath mat shāmil karo
jurm ham ne ishq meñ jitne kiye tanhā kiye

barhamī par haa.e vo jurmāna-hā-e-jurm-e-shauq
vaj.h-e-afzūnī-e-shauq-e-jurm har jurmāna thā

hamāre dil meñ nahīñ hai kiina ki jaise be-jurm ho nagīna
ye bahr-e-hastī kā hai safīna isī pe duniyā phaḌak rahī hai

terā zāhir ḳhushnumā hai terā bātin hai siyāh
har adā terī mukammal dāvat-e-jurm-o-gunāh

koī jurm dūsre kā mirā ban gayā hai kaise
tirī fard-e-jurm meñ kyuuñ mirā naam hai zyāda

kyā faisla diyā hai adālat ne chhoḌiye
mujrim to apne jurm kā iqbāl kar gayā

pā gayā thā yaqīnan to sachchā.ī ko
ye tirā jurm hai gum-shuda aadmī

bint-e-havvā huuñ maiñ ye mirā jurm hai
aur phir shā.erī to kaḌā jurm hai

qashqa khīñcho dair meñ baiTho pairvī-e-asnām karo
kesh-e-barahman ko apnāo jurm-e-vafā ko aam karo

zindagī biit rahī hai 'dānish'
ek be-jurm sazā ho jaise

ḳhud-āgahī o ḳhud-nigahī kā hai ye in.aam
aur jurm-e-shanāsā.ī-e-ālam kī sazā bhī

lahje meñ sach kā zuhūr ugalne kā jurm thā
merī ġhazal ko dhuup meñ jhulsā diyā gayā

fuġhāñ karnā bhī jurm-e-āshiqī hai
baḌe chaukas raho āhista bolo

farishte imtihān-e-bandagī meñ ham se kam nikle
magar ik jurm kī pādāsh meñ jannat se ham nikle