Tags-Dard

ab maiñ samjhā huuñ ki ye dard-e-mohabbat kyā hai
ye tire pyaar kī shiddat mujhe le Dūbegī

sunā rahe ho yuuñ vahshat meñ hāl-e-ġham jo 'azm'
huā vo nāla-e-dil dard kā bayāñ na huā

vaqt detā hai jo pahchān to ye dekhtā hai
kis ne kis dard meñ dil kī ḳhushī rakkhī huī hai

chalnā likhā hai apne muqaddar meñ umr bhar
manzil hamārī dard kī rāhoñ meñ gum huī

tū kho gayā hai mire shahr-e-raftagāñ lekin
ye ek dard kī ḳhushbū tirā surāġh to hai

rāheñ dhuāñ dhuāñ haiñ safar gard gard hai
ye manzil-e-murād to bas dard dard hai

havā-o-hirs ke lākhoñ shikār paa.e magar
koī bhī dard mohabbat meñ mubtalā na milā

rahī talāsh magar dard āshnā na milā
hamāre ba.ad unheñ ham sā bā-vafā na milā

kahūñ to kis se kahūñ dil kī baat ai 'darshan'
sune jo dard-e-bashar aisā ham-navā na milā

rafū-e-zaḳhm se matlab hai lazzat zaḳhm-e-sozan kī
samajhiyo mat ki pās-e-dard se dīvāna ġhāfil hai

chāragar haiñ to kareñ aa ke mirī chāragarī
dard-e-dil aur baḌhāte haiñ chale jaate haiñ

nahīñ tāza-dil kī shikastagī yahī dard thā yahī ḳhastagī
use jab se zauq-e-shikār thā use zaḳhm se sarokār thā

dil ḳhasta-lohū jo ho gayā to bhalā huā ki kahāñ talak
kabhū soz-e-sīnā se daaġh thā kabhū dard-o-ġham se figār thā

ka.ī din sulūk vidā.a kā mire dar pai dil zaar thā
kabhū dard thā kabhū daaġh thā kabhū zaḳhm thā kabhū vaar thā

tū hayūlā jo nahīñ hai to mire sāmne aa
gumbad-e-dard meñ chhup kar na sadā de mujh ko

maraz-e-ishq meñ maut aatī hai
tū ne har dard ko darmāñ baḳhshā

vahī merā dard ravāñ-davāñ vahī terā husn javāñ javāñ
kabhī 'mīr'-o-'dard' ke bait paḌh kabhī sher 'dāġh'-o-'jigar' ke dekh

mujh ko is dard kī thoḌī sī kasak hai darkār
jo davā ban ke baTā hai tire bīmāroñ meñ

kitnī sharmīlī hai 'mannān' us kī yaad
dard ke parde meñ chhap kar aa.ī hai

tujh se milne par but-e-bedard ye uqda khulā
bholī-bhālī shakl vaale hote haiñ jallād bhī