Tags-Dard

chhup chhup ke ab na dekh vafā ke maqām se
guzrā hamārā dard davā ke maqām se

log sadiyoñ ke dard kaaT ga.e
par shab-e-āḳhirī nahīñ aa.ī

jism o jaañ par sozish-e-ġham kā huā yaksāñ asar
sūrateñ sañvlā ga.iiñ jab dard gahrā ho gayā

ik pal bhī mire haal se ġhāfil nahīñ Thahrā
kyuuñ phir vo mire dard meñ shāmil nahīñ Thahrā

us kī chāhat meñ ajab dil kī talab kā aalam
dard jitnā bhī zamāne meñ hai sab māñge hai

ik shor thā jo gosha-e-mahfil meñ rah gayā
ik dard thā jo dil se uThā dil meñ rah gayā

kyuuñ hijr ke shikve kartā hai kyuuñ dard ke rone rotā hai
ab ishq kiyā to sabr bhī kar is meñ to yahī kuchh hotā hai

ġham-e-jahāñ se jise ho farāġh kī ḳhvāhish
vo un ke dard-e-mohabbat se sāz-bāz kare

tanhā.iyoñ ke dard se ristā huā lahū
dīvār-o-dar udaas haiñ har shai hai zard-rū

pichhle ko uTh khaḌā na ho dard-e-jigar kahīñ
pahuñche na uḌte uḌte kahīñ se ḳhabar kahīñ

to mujh ko bhuul gayā hai magar mire mutrib
maiñ dard ban ke tire naġhma-e-gulū meñ huuñ

ai pyaar tire hisse meñ aayā tirī qismat
vo dard jo chehroñ se adā ho nahīñ saktā

ab ai be-dard kyā is ke liye irshād hotā hai
phir apnī ḳhaak se paidā dil-e-barbād hotā hai

aisā bhī koī ġham hai jo tum se nahīñ paayā
aisā bhī koī dard hai jo dil meñ nahīñ hai

ġham-zado dā.era-e-ġham se nikal kar dekho
dard se dard kā ehsās baḌā hotā hai

haa.e vo dard kyā huā jis se thī zindagī mirī
ḳhud hī miTā nahīñ hai dil dil ne mujhe miTā diyā

siyah halqe haiñ āñkhoñ meñ siyāhī ruḳh pe bikhrī hai
vufūr-e-dard se ghar meñ sabhī lañgūr haiñ saaqī

tarz-e-iz.hār meñ koī to nayā-pan hotā
dard rañgīn badan shīshe kā bartan hotā

aish-o-tarab kī mahfileñ un kā nasīb haiñ
ham ko mile haiñ dard ke naġhmāt kyā kareñ

in dinoñ merī tabī.at meñ hai mad-hoshī sī
us se kah do ki mirā dard jagāne aa.e