Tags-Dard

aane vaalī hai kyā balā sar par
aaj phir dil meñ dard hai kam kam

'kalīm' dard-e-mohabbat samajh meñ kyuuñ aa.e
vahī to dard hai jo dard-e-lā-davā na huā

tere milne kī duā kī jaa.e
dard kī kuchh to davā kī jaa.e

mujh dard señ yaar āshnā na.iiñ
shāyad ki kisī kā mubtalā na.iiñ

ye hijr-o-visāl jis meñ ham haiñ
ai lazzat-e-dard intihā hai

chhupā ke dard jo kartī rahī adākārī
samajh meñ aa ga.ī ab tum ko asliyat merī

bedard ho kyā jaano musībat ke maze
haiñ rañj ke dam-qadam se rāhat ke maze

mushkil meñ de sakā na sahārā koī 'ratan'
haañ dard ne diyā hai sahārā kabhī kabhī

ahl-e-dard hī āḳhir
ḳhushiyāñ aam kareñge

jab koī qarz sadāqat kā chukāne ke liye
zahr kā durd-e-tah-e-jām bhī pī letā hai

choT lag jaa.e bhī to dard nahīñ hotā mujhe
dil agar TuuT bhī jaa.e to koī baat nahīñ

kisī dard kī aañch de kar parakh
chamaktī hai ik shai mirī zaat meñ

ye raat us dard kā shajar hai
jo mujh se tujh se azīm-tar hai

ye raat us dard kā shajar hai
jo mujh se tujh se azīm-tar hai

tum abhī yaad bhī nahīñ aa.e
phir ye siine meñ dard sā kyā hai

koī pūchhe to ishq vāloñ se
dard kā dil se vāsta kyā hai

vahī to umr mere dard-e-dil kī bhī hogī
tire shabāb kā ye kaun saal hai pyāre

hamārī aa.heñ bhī be-asar haiñ hamāre naale bhī nā-rasā haiñ
vo dard jis kā na ho mudāvā use na kyuuñ lā-davā kaheñ ham

sar khule ḳhaak uḌātī huī āñgan āñgan
raat ke dard kā kar jaatī hai iz.hār havā