Tags-Dard

kahnā paḌā unhīñ ko masīhā-e-vaqt bhī
jin se hamāre dard kā darmāñ na ho sakā

dard se koī ilāqa na ta.alluq ġham se
sirf lafzoñ ke baratne se ġhazal kaise ho

jitne dukh-dard tahā.if meñ diye hai tū ne
le ke aa.egī azal sab kī davā.ī duniyā

kisī ke tiir lage siine meñ ḳhudā na kare
hamāre dil meñ hai kyā dard koī kyā jaane

hisār-e-dard kī ūñchā.ī baḌhtī jaatī hai
ḳhushī kī āñdhiyāñ aa kar banā.eñ dar koī

ai dard kabhī uTh bhī sahī tañgi-e-dil se
muddat se dar-e-dil pe koī yaad khaḌī hai

karūñ to kis se karūñ dard-e-nā-rasā kā gila
ki mujh ko le ke dil-e-dost meñ samā na gayā

shauq-e-dahlīz pe be-tāb khaḌā hai kab se
dard gūñdhe hue haiñ haar banāyā huā hai

aaj bhī is marhūm kī yādeñ ashkoñ se paivasta haiñ
dil dukhiyārā tere mere dard baTāyā kartā thā

sadma-e-dard-o-ranj-o-ġham tūl-e-firāq kā alam
haiñ ye havādisāt chand un kī baqā kī vaj.h kyā

dard-e-dil pāoge vafā kar ke
ham ne dekhā hai tajraba kar ke

ret kī sūrat jaañ pyāsī thī aañkh hamārī nam na huī
terī dard-gusārī se bhī ruuh kī uljhan kam na huī

bazm-e-mai be-ḳhud-o-be-tāb na kyuuñ ho saaqī
mauj-e-bāda hai ki dard uThtā hai paimānoñ meñ

mujhe dard aisā hai chāragar yahī pūchh bas ke kahāñ nahīñ
ye yahāñ vahāñ kā savāl kyā ki jigar meñ mere sharār hai

safar-e-talāsh-e-sukūn meñ baḌhe aur dard ke silsile
mujhe manziloñ kī ḳhabar nahīñ yahāñ sirf dasht haiñ ḳhaar hai

ab dard meñ vo kaifiyat-e-dard nahīñ hai
aayā huuñ jo us bazm-e-gul-afshāñ se guzar ke

kabhī jo dard kī ātish mujhe sulgāne lagtī thī
vo apne saañs kī mahkī havā.eñ mujh ko detā thā

dard tanhā.ī kī paslī se nikal kar aayā
raat kā haath lagā aur havā TuuT ga.ī

kaam āñkhoñ se na lete to bhalā kyā karte
dard pinhāñ the bahut par lab-e-iz.hār na thā