Tags-Dard

talāsh ke bāvajūd sach hai ki mere hisse meñ kuchh na aayā
ki maiñ ne ḳhushiyāñ hazār DhūñDīñ ki dard maiñ ne hazār māñge

bayāz-e-dard jab khulī to dil hañsā magar
guzishta ahd kī havā varaq ulaT ga.ī

maiñ use roz na.e zaḳhm dikhā.ūñ phir bhī
dil-e-be-mehr vahī dard purāne māñge

dil de ke dil ko lazzat-e-ġham de zahe nasīb
ḳhud dard hī ko dard kā darmāñ banā diyā

dil kī rūdād nigāhoñ se bayāñ hotī hai
dard-mandoñ kī ḳhamoshī meñ zabāñ hotī hai

be-mahābā jam hī jaa.eñ dard kī jab mahfileñ
apne ġham ko shahr-e-baḳht-e-nā-rasā samjhā karo

tire dil meñ ho mauj-dar-mauj ik sail-e-dard
magar tū na samjhe kashish kyā hai duurī hai kyuuñ

vafūr-e-ishq kī nairañgiyāñ are tauba
jo dil meñ dard hai vo dil kī dāstāñ meñ nahīñ

jinheñ apnī quvvat-e-zabt pe kabhī naaz thā
vahī ashk dard kī shiddatoñ ke asiir haiñ

us āḳhirī nazar meñ ajab dard thā 'munīr'
jaane kā us ke rañj mujhe umr bhar rahā

ḳhud chāhtā huuñ zabt karūñ dard-e-shauq maiñ
dil hī mirā na ho mutahammil to kyā karūñ

tīrgī ke dhāgoñ meñ ḳhuun kī ravānī hai
dard hai mohabbat hai husn hai javānī hai

jis ne duniyā bhar ke ġham apnā.e the
us ko duniyā ne kahā be-dard thā

us ko sab ek hai yuuñ dard-o-sukūñ vasl-o-firāq
haañ magar merī tamannā ke sabab zid hai use

dard
tumhārā thā

mohabbat karne vaale dard meñ tanhā nahīñ hote
jo rūThoge kabhī mujh se to apnā dil dukhāoge

dard se joḌ liyā saaz ne rishta apnā
aur phir soz pahan kar tirī paa.el aayā

mus.haf-e-ruḳh hī dard thā aur na thā koī ḳhayāl
ishq ne ḳhud paḌhā diyā husn kā ek ik varaq

kyā sharh-e-nigāh-e-dost karūñ dekhā hī nahīñ kuchh is ke sivā
hotā hai ināyat dard bahut aur dard kā darmāñ kuchh bhī nahīñ