Tags-Dard

pahlī sī lazzateñ nahīñ ab dard-e-ishq meñ
kyuuñ dil ko maiñ ne zulm kā ḳhūgar banā diyā

dard-āmez hai kuchh yuuñ mirī ḳhāmoshī bhī
raas aatī nahīñ mujh ko ye ḳhirad-poshī bhī

nā-tavānī huī hamdard mirī
dard kahtā hai ki sarkār ye kyā

vo qahqahoñ kī sej pe baiThā huā milā
maiñ jis ke dar pe dard kī bārāt le gayā

tumhārī yaad jo aa.ī to de ke aah ga.ī
banā ke dard ko apnā yahāñ gavāh ga.ī

mirā ahvāl chashm-e-yār suuñ pūchh
haqīqat dard kī bīmār suuñ pūchh

jo baḌhe to jaan pe aa bane jo ghaTe to jaan pe aa bane
jise dil nasīb se mil gayā ajab us ke dard-e-nihāñ uThā

dil-e-sad-pāra ye baġhal meñ na ho
dard dukh kā mire risāla hai

ye dard-o-ġham-e-ishq dilā jaan ġhanīmat
pahuñchī tirī hub se tujhe ahbāb kī mīrās

mire badan meñ dhaḌak rahā hai taḌap rahā hai
firāq lamhoñ kā dard saarā suno ġhazāla

ba-faiz-e-shauq ye din dekhnā nasīb huā
ki sar se dard kā tūfāñ guzar guzar sā gayā

mire sabr ne bhī ġhazab kiyā ki adū kī jaan pe ban ga.ī
ye kahāñ kī choT kahāñ lagī ye kahāñ kā dard kahāñ uThā

hamāre dard kī ye dāstān suntā kaun
yahāñ to jo bhī the munsif vo saare bahre the

naqāb un kī uThī thī ki ham hue behosh
nigāh un se laḌī thī ki dil meñ dard huā

azal kī yaad meñ maiñ garm-e-āh-e-sard huā
lagī thī choT kabhī aur aaj dard huā

karam se apne miTā do ki be-qarār hai ishq
mirā vajūd ki duniyā ke dil kā dard huā

ik ḳhushbū dard-e-sar kī murjhā.ī kaliyoñ ko khilā.e jaatī hai
zehn meñ bichchhū ummīdoñ ke Dañk lagāte haiñ

us ne jo dard kā ambār lagāyā huā hai
ham ne bhī dil sar-e-bāzār lagāyā huā hai

koshish hai gar us kī ki pareshān karegā
vo dushman-e-jāñ dard ko āsān karegā