Tags-Dard

jaate haiñ jo sabr-o-hosh jaa.eñ
mujh ko ai dard tū bahut hai

dard-o-ġham kī udaas āñkhoñ meñ
aarzū ke hasīn ḳhvāb kahāñ

be-dard vo aisā hai ki marham kī jagah haa.e
chhiḌke hai namak mere har ik zaḳhm chhile par

vo chashm-e-ishva-kār hai āmāda-e-karam
ab dard e'tibār ke qābil nahīñ rahā

ādāb-e-bazm-e-nāz pe ai dil nazar to hai
maanā ki dard zabt ke qābil nahīñ rahā

zindagī be-qarār lagtī hai
dard kī ābshār lagtī hai

ishq hī kab hai jo mānūs-e-zabāñ hotā hai
dard hī kab hai jo mohtāj-e-bayāñ hotā hai

kaise batlā.eñ ki vo dard kahāñ hotā hai
ḳhuun ban kar jo rag-o-pai meñ ravāñ hotā hai

koī ġham-āgīñ naġhma chheḌe koī 'mīr' ke sher paḌhe
kam kam dard kī kaliyāñ mahkeñ pal pal ġham kī raat Dhale

vo hai iltifāt dam-e-sitam ki ziyāda is se nahīñ karam
mire chāk-e-dil kā rafū alam mire dard-e-jāñ kī davā qalaq

huā dil ke jaane kā ab yaqīñ ki vo dard-e-bar meñ mare nahīñ
na vo iztirāb-e-qazā kahīñ na vo hashr-ḳhez balā 'qalaq'

vo choT kaleje meñ lagī hai ki na pūchho
taḌpūñgā tah-e-ḳhāk bhī dard-e-jigarī se

dard vaale to īmān le aa.eñ haiñ lafz par sāhibo!
lafz kyā shai hai pūchho ye fankār se yā azā-dār se

zarā sā dard aur itnī davā.eñ
pasand aa.ī nahīñ chāragarī tak

dard par dūsroñ ke hans denā
ye bhī achchhā hai to burā kyā hai

ahd-e-vafā kā qarz adā kar diyā gayā
mahrūmiyoñ kā dard atā kar diyā gayā

le rahā hai dard añgḌā.ī uThā vo ehtijāj
zaḳhm-ḳhurda sab parinde pañkh phailāne lage

mohabbat-kushta haiñ ham yaañ kisū paas
hamāre dard kī bhī kuchh davā hai

savāl ban ke ubharte haiñ dard ke sūraj
sukūñ kā chāñd hī sab ke javāb meñ likhiye

sulagte jism kā ehsās dard ke jugnū
añdherī shab ke guzarte hisāb meñ likhiye