Collections

Lab Shayari

Motivational Ghazals

Best Khamoshi Shayari

More Collections

Tags-Dard

ishq meñ ishq kā unvāñ nahīñ dekhā jaatā
dard meñ dard kā darmāñ nahīñ dekhā jaatā

ishq mein ishq ka unwan nahin dekha jata

raat kā karb hai gulbāñg-e-sahar kā ḳhāliq
pyaar kā giit hai ye dard ujāloñ ke liye

yaad aaenge zamane ko misalon ke liye

go ki vo masīhā hai par ye dard mere haiñ
kaise saare dukh rakh duuñ ajnabī ke dāman meñ

dushmani wo lae hain dosti ke daman mein

bayān-e-dard-e-dil ai 'josh' kab tak
ḳhudā-rā ab ye qissa muḳhtasar kar

hawadis par na ai nadan nazar kar

na ham se pūchhā gayā zabt kā sabab koī
na ham ne dard ko apne kabhī shadīd kahā

lab-e-KHamosh se usne KHush-amdid kaha

ik yaad rah ga.ī hai magar vo bhī kam nahīñ
ik dard rah gayā hai so rakhnā sambhāl kar

kitna hasin tha tu kabhi kuchh KHayal kar

'ātish' na pūchh haal tū mujh dard-mand kā
siine meñ daaġh daaġh meñ nāsūr paḌ gayā

bulbul gulon se dekh ke tujhko bigaD gaya

darmāñ se aur dard hamārā huā do-chand
marham se daaġh siine meñ nāsūr paḌ gayā

bulbul gulon se dekh ke tujhko bigaD gaya

rāteñ aish-o-ishrat kī din dukh dard musībat ke
aatī aatī aatī haiñ jaate jaate jaate haiñ

kya kahen wadon pe yaqin hum kyun late jate hain

'bāqar' nishān-e-ġham-o-ranj-o-alam to ho
chhoḌo kuchh aur baat karo dard kam to ho

baqar nishan-e-gham-o-ranj-o-alam to ho

ishq aur intizār tauba hai
dard vo hai ki yaar tauba hai

ishq aur intizar tauba hai

ham apnī mamlikat-e-dard meñ akele haiñ
hamārī koī re.āyā nahīñ bahut din se

zamin ne lafz ugaya nahin bahut din se

shukr ai dard-e-ishq tū ne sadā
zindagānī se ham ko ser rakhā

tan mein dam rok main ba der rakha

kitne tūfānoñ se ham uljhe tujhe ma.alūm kyā
peḌ ke dukh-dard kā phūloñ se andāza na kar

kitne tufanon se hum uljhe tujhe malum kya

asīr-e-dard ho kar jī rahā huuñ
ki ab aañsū nahīñ ḳhuuñ pī rahā huuñ

asir-e-dard ho kar ji raha hun

ham ko bhī dil ke dard ne maarā hai in dinoñ
dard-e-jigar ġhazal meñ utārā hai in dinoñ

suraj ki tapti dhup ne mara hai in dinon

har koī juujh rahā hai yahāñ apne ġham se
dard-e-ġham kī ye davā duuñ to davā duuñ kis ko

apne hisse ki ana dun to ana dun kis ko

kār-e-duniyā hī kuchh aisā hai ki dil se tirā dard
silsila-vār bhī hotā hai nahīñ bhī hotā

aadmi KHwar bhi hota hai nahin bhi hota

ḳhvāb hasrat ashk uljhan nāla-o-faryād-o-ġham
kisht-e-jāñ meñ roz fasl-e-dard ugtī hai miyāñ

zindagani ki haqiqat tab hi khulti hai miyan

'mīrā-jī' ke dohe gaao yā ki 'mīr' ke sher paḌho
dard ke qisse sab ne likhe haiñ apnī apnī bolī meñ

yaron ko kya DhunD rahe ho waqt ki aankh-micholi mein