Tags-Dariya

tah-ba-tah dariyā ke sab asrār tak vo le gayā
lahr ik is paar se us paar tak vo le gayā

is ko ab kaun paar lā.egā
ab vo dariyā meñ ġhote khā.egā

beach dariyā meñ chhoḌ dī kashtī
itnī jaldī batāo kyoñ kar dī

ḳhud ko dariyā meñ na qatroñ sā milā.e rakhnā
munfarid hone kā ehsās dilā.e rakhnā

jab bhī chaḌhte hue dariyā meñ safīna utrā
yaad aayā tire lahje kā kamāl aise meñ

kuchh bhī dariyā ne madad apne paḌosī kī na kī
duur tak paanī hī paanī thā magar sāhil jalā

aao kuchh der ro hī leñ 'nāsir'
phir ye dariyā utar na jaa.e kahīñ

ek aañsū kā bojh bhārī hai
buuñd se dariyā se samundar se

kināre paar kar ke sust ho jaatā hai dariyā bhī
kise rahtā hai yaksāñ iztirāb avval se āḳhir tak

jo chāho sair-e-dariyā vaqf hai mujh chashm kī kashtī
har ek mū-e-palak merā hai goyā ghaaT ḳhairātī

hairat se dekhtā huā chehra kiyā mujhe
sahrā kiyā kabhī kabhī dariyā kiyā mujhe

jānte haiñ is talātum-ḳhez dariyā kī adā
ik hamārā naam sun kar mauj-e-sailānī ga.ī

kār-nāma ai ġham-e-dil kuchh tirā ye kam nahīñ
bah ga.e āñkhoñ se dariyā aur āñkheñ nam nahīñ

husn ik dariyā hai sahrā bhī haiñ us kī raah meñ
kal kahāñ hogā ye dariyā ye bhī to socho zarā

sadiyoñ maiñ havas-ḳhāna-e-hastī meñ rahā
sone meñ tulā chāñdī ke dariyā meñ bahā

kabhī mansūb rāhat se thā dariyā
baḌā be-dard vo sahrā huā hai

ik āñkheñ dariyā āñkhoñ kā har manzar us meñ Duub gayā
ik chehra sahrā chehroñ kā aur ham sab us meñ rahte haiñ

tishnagī kī aañkh meñ be-samt tevar dekh kar
kitne dariyā-dil samundar bhī nadī hone lage

hai garāñ-sair ġham-e-rāhila-o-zād se tū
koh o dariyā se guzar sakte haiñ mānind-e-nasīm

kitne dariyā haiñ magar āḳhir meñ
ik samundar meñ utar jaate haiñ