Tags-Dariya

'zeb' kitnī der kā hañgāma-e-sailāb thā
raunaq-e-dariyā mirī TuuTī huī kashtī rahī

paidā huā ye habāb kaisā
dariyā meñ hai pech-o-tāb kaisā

shā.ir
sāhil-e-dariyā pe maiñ ik raat thā mahv-e-nazar

maiñ ye samajh gayā ki vo ghar meñ nahīñ hai aaj
darbāñ ne ḳhud hī khol diyā dariyā kahe baġhair

aaj ham be-karāñ samundar haiñ
tum vo dariyā nahīñ ki tum se kaheñ

us kī dariyā-dilī ḳhudā rakkhe
arz ham se hī mudda.ā na huā

mirī miTTī kī himmat baḌh ga.ī thī
mire raste meñ dariyā aa gayā thā

laakh maujeñ hoñ muḳhālif ki havā ho nārāz
paar is baar bhī dariyā kisī sūrat karnā

āshnā bahr-e-mohabbat ke shanāvar haiñ sab
tū bhī us aag ke dariyā ko agar pair to hai

zor-e-amvāj-e-talātum se hai dariyā dariyā
harf-e-be-sūd ki dariyā meñ guhar hai ki nahīñ

sar paTaktī huī ik mauj ne dariyā se kahā
āb-e-āsūda-e-dariyā mirā ghar hai ki nahīñ

ye kyā tilism hai dariyā meñ ban ke aks-e-qamar
ruke hue bhī tumhī ho ravāñ-davāñ bhī tumhī

karo na dariyā pe mai-kashī tum udhar ko aao to maiñ dikhā.ūñ
sarishk-e-har-nāla-o-jigar se falak pe bijlī zamīñ pe bārāñ

itnī sī aañkh ne ġham kitnā uThā liyā hai
kashtī ne apne andar dariyā uThā liyā hai

merī naav kī tū hī manzil hai
mere dariyā kā tū kinārā hai

kuchh kār-e-anāsir tah-e-dariyā bhī ajab hai
is ḳhaak meñ pinhāñ koī sho.ala bhī ajab hai

mujh hī meñ zam haiñ jaan le dariyā tamām dahr ke
qatra na tū mujhe samajh ik bahr-e-be-karāñ huuñ maiñ

chāñd hai paanī meñ yā bhūle hue chehre kā aks
sāhil-e-dariyā pe dekho maiñ bhī hairānī meñ huuñ

kyā karte jo do chaar qadam thā lab-e-dariyā
jab hausle hī raḳht-e-safar khole hue the

baaqī hai mere dil meñ abhī azmat-e-vajūd
qatre se kah rahā huuñ ki dariyā se bach ke chal