Tags-Dariya

pindār-e-hastī señ vahmī ḳhayāloñ ne kasrat kī tohmat lagā.e haiñ nāhaq
dar-asl meñ josh-e-tūfān-e-vahdat hai jiyūñ mauj-e-dariyā umañgoñ meñ rahiye

jis ne sab kī mail kasāfat dhoī apne hāthoñ se
dariyā kitnā ujlā hai vo shīshe jaisā lagtā hai

mire dariyā ne apne hī kināre kaaT Daale
bipharte pāniyoñ ko ab sahārā kaun degā

to kyā huā jo ab āñkhoñ meñ qaid hai sahrā
tire firāq meñ dariyā yahāñ se guzrā hai

ye jo ik be-ḳhudī kā dariyā hai
is meñ mauj-e-tarab tumhārī hai

raat añdherī naav na sāthī
raste meñ dariyā paḌtā hai

jo dekho ġhaur kar to juz o kul bilkul mujhī meñ hai
kabhī huuñ ik hubāb-āsā kabhī dariyā ho bahtā huuñ

āvāzoñ ke dariyā meñ
ġharq hue ham shānoñ tak

dil ke dariyā meñ thiraktā thā tirī yaad kā chāñd
shab ke hoñToñ pe tirā zikr munājāt sā thā

har ik kashtī kā apnā tajraba hotā hai dariyā meñ
safar meñ roz hī mañjdhār ho aisā nahīñ hotā

aa.ī jo mauj paañv zamīñ par na jam sake
dariyā chaḌhā to kitne safīne ulaT ga.e

hotā tumhāre ḳhuun kā dariyā jo maujzan
tūfāñ samundaroñ meñ ba-yak-bār bolte

vo lamha
ā.īnoñ kā dariyā

kyā kaheñ kyūñkar huā tūfān meñ paidā qafas
mauj jab bal khā ke uTThī ban gayā dariyā qafas

sharāb o sher ke dariyā meñ Duub kar 'sāġhar'
surūr-o-kaif ke dhāroñ se khel saktā huuñ

ai shā.er! terā dard baḌā ai shā.er! terī soch baḌī
ai shā.er! tere siine meñ is jaisā laakh bahe dariyā

samundar meñ vahī tūfān hai phir
ki dariyā apnā hissa māñgtā hai

jo muntashir huuñ to hairat na kar ki dariyā meñ
bhañvar ke ba.ad kisī lahr meñ bahā na gayā

sāhil sāhil tishna-labī
dariyā ko tuġhyānī de

kahīñ qatra haiñ aur kahīñ dariyā
kahīñ kashtī ke nāḳhudā haiñ ham