Tags-Dariya

ashk aa.e haiñ to ye sair-e-charāġhāñ bhī sahī
is se aage to vahī ḳhuun kā dariyā hogā

zabt-e-ġham haañ vahī ashkoñ kā talātum ik baar
ab to sūkhā huā dariyā nahīñ dekhā jaatā

maiñ to ik kāñch ke dariyā meñ bahī jaatī huuñ
khankhanāte hue hamrāz mujhe sun lo nā

'qamar' jo bigḌā huā hai mizāj dariyā kā
use patā hai maiñ kachche makāñ meñ rahtī huuñ

chāhtā hai vo ki dariyā suukh jaa.e
ret kā bevpār karnā chāhtā hai

jaise sahrāoñ meñ milte haiñ do pyāse dariyā
hoñT se hoñT kuchh is tarah milāo sāhab

maiñ ek Thikāna DhūñDtā huuñ
jo sahrā hai na hī dariyā hai

tumhārī aah kā ye kaun sā andāz hai vāzeh nahīñ hotā
muamma ye nahīñ khultā ki tum dariyā ko sahrā kaise karte ho

sunā hai log dariyā band kar lete haiñ kuuze meñ hunar hai ye
magar tum munsifī se ye kaho qatre ko dajla kaise karte ho

dariyā tumheñ sarāb dikhā.ī diyā aur ab
gard-o-gubār-e-rāh ko manzil samajhte ho

sab ummīdeñ mire āshob-e-tamannā tak thiiñ
bastiyāñ ho ga.iiñ ġharqāb to dariyā utrā

ajab ḳhūñ-chakāñ karbalā kā samāñ thā
the sab tishna-lab aur dariyā ravāñ thā

yaad meñ ik shoḳh punjabi ke rote haiñ jo ham
āj-kal punjab meñ bahtā hai dariyā ek aur

ġham-e-ḳhāmosh jo bā-ashk-chakāñ rakhtā huuñ
ek Thahre hue dariyā ko ravāñ rakhtā huuñ

raat ko baiTh kar lab-e-dariyā
dekhnā āsmāñ ke tāroñ kā

ye dil qayām pe maa.il hai in dinoñ varna
asā uThā.ūñ to dariyā bhī rāsta ho jaa.e

bādaloñ ko shāyad is kā koī andāza nahīñ
ain dariyā meñ huuñ lekin kis qadar pyāsā huuñ maiñ

vaqt dariyā kī mānind bahtā rahegā sadā
jagmagāte raheñge sitāre

tere dhyān kī kashtī le kar
maiñ ne dariyā paar kiyā thā

andhī mohabbatoñ ne har sāhab-e-vafā ko
dariyā dikhā diyā hai sahrā dikhā diyā hai