Tags-Dariya

pūchhe kabhī jo aabla paa.ī kī dāstāñ
dariyā se kah bhī dete pa sahrā se kyā kaheñ

jab har ik shaḳhs ho faqat dariyā
jab kinārā kabhī na ho koī

jharnoñ kī kyā bisāt kareñ guftugū 'fahīm'
dariyā gire jahāñ vo samundar rahe haiñ ham

har ik nadī se kaḌī pyaas le ke vo guzrā
ye aur baat ki vo ḳhud bhī ek dariyā thā

ye mohabbat bhī ek nekī hai
is ko dariyā meñ Daal aate haiñ

nazar ko sabz maidānoñ ne kyā kyā vus.ateñ baḳhshīñ
pighalte ābshāroñ ne hameñ dariyā-dilī dī hai

jab ye piine hī par aa jaa.eñ to phir dariyā kyā

ḳhud apnī raah banātā gayā pahāḌoñ meñ
kabhī kahāñ kisī dariyā ne rāstā māñgā

yaad aa ga.ī thī mujh ko shahīd-e-vafā kī pyaas
dariyā ko dekh kar jo mirā dil sharar huā

sūkhā paḌā hai dariyā to kab kā
hai mauj-ḳhezī vaisī kī vaisī

aa dekh ki zālim furqat meñ kyā haal mirā behāl huā
aahoñ se sharāre jhaḌte haiñ āñkhoñ se dariyā bahte haiñ

sailāboñ kī ret se jis ko tū ne abas namnāk kiyā
dhīre bahtā ik dariyā ban us sahrā ke siine meñ

chalā hai mahfil se apne saaqī dikhā.ūñ maiñ apnī ashk-bārī
karūñ bat-e-mai ko murġh-e-ābī abhī se dariyā bahā bahā kar

ek aañsū yaad kā Tapkā to dariyā ban gayā
zindagī bhar mujh meñ ek tūfān sā paltā rahā

ishq dariyā bhī samundar bhī kināra bhī halīm
Dūbne vaale ko dekhā hai to hairat nahīñ kī

baḳhsh mujh ko na adhūrī koī ne.amat maulā
yā to dariyā hī de puurā yā to sahrā saarā

uThā hai ab ke vo tūfāñ javār-e-sāhil se
ki mauj bhī nahīñ mahfūz qa.ar-e-dariyā meñ

āḳhirash ham bhī itnā suukh ga.e
log dariyā ko paar karte rahe

dariyā kī zindagī par sadqe hazār jāneñ
mujh ko nahīñ gavārā sāhil kī maut marnā