Tags-Death

jis kī sehat ke liye aap duā.eñ māñgeñ
aise bīmār ko bhī maut kahīñ aa.ī hai

khul ga.e naza.a meñ asrār-e-tilism-e-hastī
ziist kahte haiñ jise maut kī añgḌā.ī hai

jiine vaalā ye samajhtā nahīñ saudā.ī hai
zindagī maut ko bhī saath lagā laa.ī hai

nigah-e-nāz diye jaatī hai paiġhām-e-hayāt
maut se khel rahe haiñ tire jāñbāz judā

muflisī ham ne ḳhud-kushī kar lī
maut kā intizār kyā karte

zindagī se ho be-zār 'fānī' is se kyā hāsil
maut ko manā loge jaan se ḳhafā ho kar

sāmne ik be-rahm haqīqat nañgī ho kar nāchtī hai
us kī āñkhoñ se ab merī maut kī ḳhvāhish jhāñktī hai

laTakne ko yahī rassī milī thī
zamīñ par gir ke maiñ hañsne lagā is maut par

na aa.e maut ḳhudāyā tabāh-hālī meñ
ye naam hogā ġham-e-rozgār sah na sakā

dekhte dekhte jab maut sitāre kī huī
phir koī sub.h kahāñ ḳhvāb ke maare kī huī

vaise sabhī to ziist se dāman bachā liye
vo kaun hai jo maut se bach kar nikal gayā

hai malūl mujh se duā-e-maut ki saath us kā na de sakā
mire rāste meñ jo aa ga.ī yahī zindagī yahī zindagī

kyā jī ke karūñgā maiñ tanhā yaañ taab kahāñ baaqī dil ko
be-maut ke ab maarā na mujhe to dāġh-e-azīzāñ kuchh na kiyā

māñgī na hogī ḳhizr ne yuuñ umr-e-jāvedāñ
kyā apnī maut māñgte haiñ iltijā se ham

umr āḳhir huī afsos baḌī ġhaflat se
dam-e-murdan hī kiyā maut ne hoshiyār mujhe

talḳh thī maut magar ziist se shīrīñ-tar thī
us se pūchho jise be-bāl-o-parī ne maarā

goyā sharāb hī se bharā umr kā qadah
maut us kī ḳhuub hai jo piye umr bhar sharāb

maut jab tere iḳhtiyār meñ hai
mere qaabū meñ zindagī hotī

yahī qissa hai maut-o-zindagī kā ai mire hamdam
koī apnī adā.eñ dil-rubā ke ruḳh dikhātā hai

vo jis ke haath se qisse ne maut paa.ī hai
sunā hai sāhab-e-kirdār hone vaalā hai