Tags-Death

maut ilāj-e-ġham to hai maut kā aanā sahl nahīñ
jaan se jaanā sahl sahī jaan kā jaanā sahl nahīñ

maut merī sakhī
mere hī sañg āñgan meñ khelī baḌhī

na bhūlnā ye hai tāḳhīr husn kī tāḳhīr
'firāq' aa.ī huī maut Tal to saktī hai

are vo maut ho yā zindagī mohabbat par
na kuchh sahī kaf-e-afsos mal to saktī hai

azal se soī hai taqdīr-e-ishq maut kī niiñd
agar jagā.iye karvaT badal to saktī hai

ye kah do bas maut se ho ruḳhsat kyuuñ nāhaq aa.ī hai us kī shāmat
ki dar talak vo masīh-ḳhaslat mirī ayādat ko aa chuke haiñ

zindagī 'saif' liye qāfila armānoñ kā
maut kī raat se benām-o-nishāñ guzrī hai

jo asāsa zindagī kā us ne joḌā umr bhar
maut kā sailāb jab aayā to sab kuchh bah gayā

merī har saañs hai is baat kī shāhid ai maut
maiñ ne har lutf ke mauqe pe tujhe yaad kiyā

maut thī mere liye terī nigāh-e-nāz meñ
zindagī kā raaz thā tere lab-e-ejāz meñ

maut se to mafar nahīñ hargiz
asl mātam to zindagī kā hai

jab rañj zamāna detā hai ham maut ko dāvat dete haiñ
phir tum kyuuñ yaad aa jaate ho jiine ko tabī.at hotī hai

jab hasrat-o-armāñ miT jaa.eñ kuchh aas na ho kuchh yaas na ho
jab maut kī niiñd aa.e dil ko bedār mohabbat hotī hai

batāo maut kyā hai zindagī kyā
kisī ne bhed ye kholā kabhī kyā

maut par kis liye ro.eñ ham
zindagī achchhī-ḳhāsī rahī

log nañge paañv haiñ aur kirchiyāñ haiñ farsh par
aur is par maut kā hai raqs jaarī āj-kal

kam se kam aarzī nahīñ hogī
maut itnī burī nahīñ hogī

laaj apnī masīhā ne rakh lī marne na diyā bīmāroñ ko
jo maut na Talne vaalī thī vo maut bhī Taltī jaatī hai

zindagī aur maut kā yuuñ silsila chaltā rahā
tañg thā pichhlā jahāñ aglā jahāñ baḌhtā gayā

shab-e-hijr guzrī hai kis tarah tumheñ kyā sunā.ūñ ye mājrā
maiñ ajal ke saa.e meñ thā khaḌā mirī sar pe maut khaḌī rahī