Tags-Death

vo maut ki kahte haiñ jis ko sukūn sab
vo ain zindagī hai jo hai iztirāb meñ

tire lab-bin hai dil meñ shola-zan mul jis ko kahte haiñ
nashe kī maut kī hichkī hai qulqul jis ko kahte haiñ

namāz-e-īd ka.ī saal se na paḌh paayā
ba-nām-e-maut koī ḳhauf eid-gāh meñ hai

niiñd furqat meñ kahāñ maut se aane vaalī
ghar se behtar hai jo takiye meñ ho bistar apnā

Dastī haiñ sūraj kī kirneñ chāñd jalā.e jaan
pag pag maut ke gahre saa.e jīvan maut samān

tum na aaoge to marne kī haiñ sau tadbīreñ
maut kuchh tum to nahīñ ho ki bulā bhī na sakūñ

hayāt-o-maut kā paiġhām detā har-nafas 'vāsil'
kabhī rū-posh vo hote kabhī jalva-garī hotī

paiġhām zindagī ne diyā maut kā mujhe
marne ke intizār meñ jiinā paḌā mujhe

jise zindagī na bhulā sake jise maut bhī na miTā sake
vahī maiñ huuñ 'ġhālib'-e-ḳhasta-jāñ vahī 'mīr'-e-ḳhāna-ḳharāb sā

ik ziist hameñ jis ne kahīñ kā nahīñ rakkhā
ik maut ki siine se lagā le ga.ī ham ko

kis kāran itne rañgoñ se yaarī kis kāran ye Dhañg
jitne rañg bhī chāho ziist meñ bhar lo maut kā ek hī rañg

maut kī raah na dekhūñ ki bin aa.e na rahe
tum ko chāhūñ ki na aao to bulā.e na bane

jab zindagī kā maut se rishta hai munsalik
phir ham-nashīñ hai ḳhatra-e-lail-o-nahār kyuuñ

khul gayā uqda-e-hastī to kafan maañg liyā
ziist ne maut se jiine kā chalan maañg liyā

ḳhushī se uḌte uḌte aa ga.e is shāḳh par bhañvre
jahāñ kāñToñ ne us kī maut kā sāmāñ sajāyā thā

koī Thahar na sakā maut ke samundar tak
hayāt aisī nadī thī bahāv aisā thā

maut ko jab se muqābil dekhā
zindagī ho ga.ī shaidā.ī mirī

be-zauq-e-numūd zindagī maut
tāmīr-e-ḳhudī meñ hai ḳhudā.ī

maut aa.ī aur tasavvur aap kā ruḳhsat huā
jaise manzil tak koī rah-rau ko pahuñchā jaa.e hai

garche nezoñ pe sar hai
maut to vaqt par hai