Tags-Death

ajiib shai hai ye aadmī bhī
jo maut ke Dar se kāñptā hai

ajiib lamha hai
maut kā bhī

shajar ke saa.e meñ maut dekho
samar meñ us ke fanā kī dahshat

aahaT pe na chauñko ki na aa.egī yahāñ maut
dastak pe na jaao ki ye āvāra huā hai

hifz-e-tīr-e-nigah hai ain ḳhatā
nahīñ paiġhām maut Talne kā

maut se talḳh hai shāyad tirī rahmat kā azaab
jis ko kahte haiñ ġhazab aisā ġhazab bhī koī hai

maut kis raah par khaḌī merī raah dekh rahī hai
abhī abhī maiñ ne havā kī an dekhī chādar meñ sūrāḳh kiyā hai

nazar uThāo to jhuum jaa.eñ nazar jhukāo to Dagmagā.eñ
tumhārī nazroñ se sīkhte haiñ tarīq maut-o-hayāt ke ham

tārīk huī saarī duniyā kyā maut huī mujh bekas kī
kam aise hue haiñ shahīd-e-vafā ġham jin kā ik aalam ne kiyā

vo maut jis kī ham 'ehsān' sun rahe haiñ ḳhabar
rumūz-e-zīst bhī samjhā ga.ī to kyā hogā

ye fikr kar ki in āsūdgī ke dhokoñ meñ
tirī ḳhudī ko bhī maut aa ga.ī to kyā hogā

nazar fareb-e-qazā khā ga.ī to kyā hogā
hayāt maut se Takrā ga.ī to kyā hogā

pukārā maut ko tañg aa ke zindagī se kabhī
tū mahv-e-justujū-e-umr-e-jāvedāñ bhī rahe

dil kī āzādī shahanshāhī shikam sāmān-e-maut
faisla terā tire hāthoñ meñ hai dil yā shikam

be-vasīla is jahāñ meñ maut bhī mumkin nahīñ
hīla-e-dār-o-rasan bhī hai mirā samjhā huā

maut kī tarah kaash bar-haq ho
jis kā maiñ intizār kartā huuñ

ruḳhsat kī tujh se maut ne mohlat hameñ na dī
band aañkh kar ke nikle haiñ terī galī se ham

afsāna mukammal hai lekin afsāne kā unvāñ kuchh bhī nahīñ
ai maut bas itnī mohlat de un kā koī paiġhām aa jaa.e

vo paas aane na paa.e ki aa.ī maut kī niiñd
nasīb so ga.e masrūf-e-ḳhvāb kar ke mujhe

justujū kī huī to yuuñ takmīl
zindagī maut kī ḳhabar laa.ī