Tags-Death

zanjīr bhalī qaid bhalī maut bhī jyūñ-tyūñ
pan haq na kare kis kuuñ giraftār kisī kā

mirī rafīq-e-nafas maut terī umr darāz
ki zindagī kī tamannā hai dil meñ afzūñ phir

suntā huuñ mujh se māñgtī hai maut bhī panāh
vo parḳhachche uḌaa.e haiñ maiñ ne hayāt ke

kisī ke ek ishāre meñ kis ko kyā na milā
bashar ko ziist milī maut ko bahāna milā

taḌpe haiñ malā.ek bhī vo qahr thā ā.ankhoñ meñ
dekhā tirā shaidā.ī to maut bhī ghabrā.ī

zinda bachā to maut ko jaanā qarīb se
kyā kyā hunar sikhā.e merī zindagī mujhe

haa.e aalam shab-e-furqat mirī māyūsī kā
detī hai maut kī ummīd dilāse mujh ko

sach ye hai ki zindagī ho yā maut
har chiiz burī hai muflisī kī

maut ne āñchal jab lahrāyā
āñgan meñ mātam barseñge

maut se kahiye aa.e fursat meñ
abhī masrūf-e-imtihāñ huuñ maiñ

maut to kab kī mar chukī lekin
bazm-e-imkāñ meñ jāvedāñ huuñ maiñ

ye buad kyā hai?
hayāt o maut aur shādī o ġham ke silsiloñ

vaa.e us zindagī kī mahrūmī
maut bhī umr-bhar nahīñ aatī

raas aatī nahīñ agar tadbīr
maut kyuuñ chāragar nahīñ aatī

hijr meñ maut DhūñDhne vaale
aisī shab kī sahar nahīñ aatī

maut ḳhāmoshī hai chup rahne se chup lag jā.egī
zindagī āvāz hai bāteñ karo bāteñ karo

chashm-e-ġhazāl jhiil kā manzar hasīn maut
merī taraf na dekh mujhe ye sazā na de

kyā hī rah rah ke tabī.at mirī ghabrātī hai
maut aatī hai shab-e-hijr na niiñd aatī hai

zindagī maut ban ga.ī hotī jaan se ham guzar ga.e hote
itne ishrat-zada haiñ ham ki agar ġham na hotā to mar ga.e hote

na falsafī se na mullā se hai ġharaz mujh ko
ye dil kī maut vo andesha o nazar kā fasād