Tags-Death

maut bhī zindagī kā ik ruḳh hai
is ko me.ār-e-āgahī kahiye

un se bachhḌā to is azaab meñ huuñ
maut kahiye ki zindagī kahiye

kis ne apne haath se ḳhud maut kā katba likhā
kaun apnī qabr par ibrat kā patthar ho gayā

jo maut pī gayā ik jām-e-ambagīñ kī tarah
use tū maut kī manzil kā ik masīhā likh

ye bevaqūf unheñ maut se Darāte haiñ
jo ḳhud hī sāya-e-ḳhanjar meñ jā ke leT ga.e

ye samajh kar tujhe ai maut lagā rakkhā hai
kaam aatā hai bure vaqt meñ aanā terā

haañ jaan to deñge magar ai maut abhī dam le
aisā na kaheñ vo ki ham aa.e to chale aap

aisī jagah ki maut bhī Dar jaa.e dekh kar
maiñ ḳhud ko zindagī se bahut duur le gayā

Dūbne vaale pahuñch jā.eñge sāhil pe ḳhabar
dāman-e-maut pe sab haal likhā hotā hai

ahd-e-jumūd jīte-jī be-maut kī hai maut
hai lutf zindagī kā to bas inqalāb meñ

dukh bhī us kī raah meñ haiñ sukh bhī us kī raah meñ
maut se har aadmī ko zindagī achchhī lagī

ye kyā ki ahl-e-shauq na apne na aap ke
yā maut yā hayāt koī baat tai to ho

abhī raushan haiñ tire garm shabistāñ ke diye
aaj maiñ maut ke ġhāroñ meñ utar jā.ūñgā

mirī nigāh meñ phirtī hai merī maut kī shakl
jab aap dekhte haiñ tevriyāñ chaḌhā ke mujhe

har ḳhushī kī maut haiñ
be-lagām ḳhvāhisheñ

diyā mujhe maut ne sambhālā lahad meñ bhī ho gayā ujālā
ye qabr par kis ne gul chaḌhā.e ye kaun māh-e-tamām aayā

maut sī ḳhamoshī jab un laboñ pe taarī kī
tab kahīñ nibhā paa.ī rasm rāzdārī kī

us bul-havas kī maut ke qurbān jā.iye
jo phir dobāra jiine kā ummīd-vār ho

is tarah us ko maut de yārab
zindagī merī jis ne chāhī hai

ab tak mere gītoñ meñ ummīd bhī thī paspā.ī bhī
maut ke qadmoñ kī aahaT bhī jīvan kī añgḌā.ī bhī