Tags-Death

ek hī maut bhalā kise kare us kā ilaaj
zindagānī hai ki sau baar kī bīmārī hai

Thahr jaanā maut hai aur chalte rahnā zindagī
zindagī baaqī rahe āvārgī baaqī rahe

zarf se baḌh ke ne.amat-e-ishq bhī maut ban ga.ī
ham ne bhī to ġhazab kiyā had se sivā ḳharīd lī

milne vaale kahāñ kahāñ se mile
maut ko zindagī jahāñ se mile

maut behtar hai aise jiine se
dil meñ kuchh bhī nahīñ qarīne se

us par hī bhejtā hai vo aafat bhī maut bhī
shāyad use ġharīb kā bachcha hai nā-pasand

marg-e-majnūñ se aql gum hai 'mīr'
kyā divāne ne maut paa.ī hai

maut ho yā vo hoñ donoñ haiñ ilāj-e-dard-e-dil
vā-e-qismat ek bhī letā nahīñ aane kā naam

is ek jān-e-girāmī pe laakh jaañ sadqe
is ek maut pe sau umr-e-jāvedāñ sadqe

adab ai jazba-e-bebāk ye āh-o-fuġhāñ kaisī
ki aisī zindagī se maut par ilzām aatā hai

log kahte haiñ bechāre 'fārūq' kī maut ho bhī chukī zindagī ke liye
apnī hastī miTā.ī hai tere liye us ko jiinā bhī aayā hai tere liye

kuchh na kuchh sochnā paḌtā hai sukūñ kī ḳhātir
un kī mahfil na sahī maut kī āġhosh sahī

maut se pahle jahāñ meñ chand sāñsoñ kā azaab
zindagī jo qarz terā thā adā kar aa.e haiñ

hāsil-e-ġham yahī samajhte haiñ
maut ko zindagī samajhte haiñ

vo jīvan aaj kī raat aa ke barsātī hai dīvālī
pasīna maut ke māthe pe chhalkātī hai dīvālī

chashm-e-jānāñ meñ samāte haiñ samāne vaale
maut se aañkh laḌānā koī āsāñ na huā

pākīza ehsās ke hāthoñ pyaas kī kaisī maut huī
ḳhushk laboñ par zabāñ phertā Dole badan hathiyārā sā

ban ga.e haiñ rahzanoñ ke vāste jā-e-amāñ
aur musāfir ke liye haiñ maut raste raat ko

maut aa kar sāmne se le ga.ī bīmār ko
dekhiye chāragaroñ ko chāra-gar dekhā kiye

kab mere vāste koī mushkil nahīñ rahī
kab maut zindagī ke muqābil nahīñ rahī