Tags-Aarzoo

pārsā.ī un kī jab yaad aa.egī
mujh se merī aarzū sharmā.egī

yuuñ ho ki aarzū na ubhar paa.e phir kabhī
dil ke lahū se rishta-e-girdāb bāñdh leñ

aalam hai shauq-e-kushta-e-ḳhilqat hai terī rafta
jānoñ kī aarzū tū āñkhoñ kā mudda.ā tū

ye aarzū hai ki ḳhush-fahmī-e-talab hai 'nushūr'
umiid kyā hai jo duniyā umīd-vār na ho

pūchho na hāl-e-kashmakash-e-yās-o-ārzū
vo bhī ajiib marhala-e-jāñ-gudāz thā

kul-kā.enāt kyā hai ba-juz yās-o-ārzū
dil se ziyāda vus.at-e-kaun-o-makāñ kahāñ

kaise dekhūñgā maiñ 'zulfī' apne chehre kī kitāb
vo gayā to aarzū kā aa.ina bhī le gayā

ḳhudā kare ki ye paudā zamīñ kā ho jaa.e
ki aarzū mire āñgan ko ek phuul kī hai

jigar bhī chaak huā dil bhī pāra-pāra huā
lagī huī hai magar dil se aarzū terī

jo mahv-e-zulm-o-sitam thā kal tak vo aaj shāyad badal gayā ho
ye aarzū le ke ham dobāra kisī ke kūche meñ jā rahe haiñ

aarzū us buland o baalā kī
kyā balā mere sar pe laa.ī hai

aarzū us kī mere hī dil meñ na thī
maiñ bhī bachpan se us ke ḳhayāloñ meñ thā

ai jān-e-ārzū vo qayāmat se kam na the
kaaTe tire baġhair jo ġhurbat meñ chaar din

ham haiñ tumhāre mubtalā muddat se hai ye aarzū
baiTho hamāre paas bhī ai jaañ kabhī ik pal kī pal

agar thī chehre pe raunaq kī aarzū un ko
musībatoñ kī kalā.ī maroḌ kar aate

aarzū ko ruuh meñ ġham ban ke rahnā aa gayā
sahte sahte ham ko āḳhir ranj sahnā aa gayā

maiñ bahr-e-zindagī meñ jazīra-numā rahā
duniyā se ek rabt tirī aarzū kā thā

bhar ke āñkhoñ meñ sulagtī aarzū
barf kī vaadī se guzrā aadmī

sun kar ki 'hosh' ne bhī kiyā tark-e-ārzū
kohrām ik machā huā shahr-e-vafā meñ hai

zindagī ret ke Tiile kī tarah hai 'ḳhāvar'
aarzū jaise koī āhū-e-be-parvā hai