Tags-Dhoka

tujhe jaan kar ye patā chalā tū maqām-e-dīd meñ aur thā
ka.ī marhale haiñ fareb ke mirī aañkh se mire ḳhvāb tak

fareb-e-raushnī meñ aane vaalo maiñ na kahtā thā
ki bijlī āshiyāne kī nigahbāñ ho nahīñ saktī

āshiq-kushī o fareb-kārī
ye sheva-e-dilbarī nahīñ hai

khulī havā kī fasīloñ meñ zindagī hai asiir
fareb-e-rañg se māhaul ko basā na sakī

haqīqateñ to nigāhoñ ke sāmne thiiñ magar
ham ek umr fareb-e-ḳhayāl se guzre

fareb-e-nik.hat-o-gulzār se bachāo mujhe
karam karo kisī sahrā meñ chhoḌ aao mujhe

mushābahat ke ye dhoke mumāsalat ke fareb
mirā tazād liye mujh sā hū-ba-hū kyā hai

vo mirā e'tibār hai 'raḳhshāñ'
jis se aksar fareb khātī huuñ

koī fareb-e-nazar hai ki tābnāk fazā
kise ḳhabar ki yahāñ kitne chāñd gahnā.e

fareb-e-san.at-e-ījād kā tamāshā dekh
nigāh aks-farosh o ḳhayāl ā.ina-sāz

itnā bhī kaun hogā halāk-e-fareb-e-rañg
shab us ne mai jo pī hai to mujh ko nasha huā

chashm-e-hasīñ meñ hai na ruḳh-e-fitna-gar meñ hai
duniyā kā har fareb fareb-e-nazar meñ hai

tabqe zamīn ke hoñ ki aurāq-e-āsmāñ
qudrat ke dil-fareb risāloñ ko dekhiye

chaman meñ ḳhaar hī kyā gul bhī dil-figār mile
fareb-ḳhurda-e-rañgīnī-e-bahār mile

gūñjī sadā-e-sākit-o-ḳhāmosh har taraf
jab maiñ fareb-e-koh-e-nidā tak pahuñch gayā

fareb-ḳhurda-e-tahrīk-e-ādamiyat huuñ
vafā kī aas nahīñ 'ramz' aadmī se mujhe

jab se fareb-e-zīst meñ aane lagā huuñ maiñ
ḳhud apnī mushkiloñ ko baḌhāne lagā huuñ maiñ

khulā ye dil pe ki tāmīr-e-bām-o-dar hai fareb
bagūle qālib-e-dīvār-o-dar meñ hote haiñ

samjhā liyā fareb se mujh ko to aap ne
dil se to pūchh lījiye kyuuñ be-qarār hai

vo nāptā rahā dhartī ke sab nasheb-o-farāz
fareb-e-rāhat-e-māñdan meñ phañs gayā paanī