Tags-Dhoka

itne fareb khaa.e haiñ qurbat meñ yaar kī
'mohsin' fareb aur bhī khāyā na jā.egā

kabhī āshiq ko samjhāyā kabhī ġhairoñ ko bahlāyā
fareb-āmez haiñ chāleñ tirī o hīla-jū kyā kyā

fareb-e-māh-o-anjum se nikal jaa.eñ to achchhā hai
zarā sūraj ne karvaT lī ye taare Duub jā.eñge

fareb detā hai 'ālam' pe raaj kartā hai
adū ke haath meñ har fan hai kyā kiyā jaa.e

ik fareb-e-nazar hai kuchh bhī nahīñ
ye gulistān-e-rañg-o-bū pyāre

umr-bhar khā.eñge ham vāda-e-fardā kā fareb
umr-bhar hasrat-e-nākām se bāteñ hoñgī

ab tak samajh rahā thā jise terī rahguzar
thā ik fareb-e-shauq tirī rahguzar kahāñ

yūñhī fareb-e-nazar kī tanāb TūTtī hai
qadam baḌhā.iye mauj-e-sarāb TūTtī hai

tum bhī fareb-ḳhurda sahī par ba-sad-ḳhulūs
maqtūl-e-makr-o-said-e-daġhā ham hue ki tum

us shaḳhs ke fareb se vāqif haiñ ham magar
kuchh apnī pyaas ko hī sarāboñ kā shauq hai

raat din dhuup chhāñv kā aalam
kyā tamāshā nazar meñ rakkhā hai

asīr-e-dām fareb-e-zabāñ huā āḳhir
na e'tibār jise aayā dīda-e-tar kā

ḳhulūs-o-dil-o-jāñ mirī kam-nigāhī
fareb-e-musalsal bhī ehsān tere

ab to visāl-e-yār se behtar hai yād-e-yār
maiñ bhī kabhī fareb-e-nazar kā shikār thā

nikle the tīrgī ke musalsal fareb se
jab raushnī milī to hameñ jāñ-ba-lab milī

kare jo va.ada to is tarah kā ki dil ko sunte hī ho tasallī
jo sochiye phir to kaisā va.ada faqat bahāna fareb aur chhal

kahīñ aur aap kī jaan kyuuñ
ye to silsile haiñ usī fareb-e-ḳhayāl ke

ḳhudā kare ki fareb-e-vafā rahe qaa.em
ki zindagī kā koī aur ab sahārā nahīñ

apnoñ kī chāhatoñ ne bhī kyā kyā diye fareb
rote rahe lipaT ke har ik ajnabī ke saath