Tags-Dhoka

aa kahāñ hai tū fareb-e-ārzū
aaj nākāmī se lenā kaam hai

kyā kyā fareb dil ko diye iztirāb meñ
un kī taraf se aap likhe ḳhat javāb meñ

ham na hoñge to ye jahān-e-tilism
ye fareb-e-nazar rahegā kyā

yahī zindagī ne sabaq diyā ki kabhī fareb-e-karam na khā
ye umiid rakh na kisī se tū ki miTā sake to miTā na de

bajā ki maiñ ne zindagī se khaa.e haiñ bahut fareb
magar fareb khāne ko bhī hausla to chāhiye

kabhī ye gul bhī nazar ko fareb dete haiñ
har ek phuul meñ tam.īz-e-rañg-o-bū rakhnā

de tirā husn-e-taġhāful jise hai chāhe fareb
varna tū aur jafāoñ pe pashīmāñ honā

agar fareb hasīñ ho to phir fareb nahīñ
ḳhatā muaaf haqīqat badaltī rahtī hai

vo ek ham the ki samjhā harīf ko bhī halīf
fareb-kār tumheñ fard fard lagtā hai

yaaro mat us kā fareb-e-mehr khaao
'mīr' bhī the us ke hī yāroñ ke beach

ik umr bhaTakte hue guzrī hai junūñ meñ
ab kaun fareb-e-nigah-e-yār meñ aa.e

kyā kyā diye fareb har ik e'tibār ne
apnā banā diyā hai tire intizār ne

manziloñ ko pata nahīñ ham ne
rāstoñ ke fareb khaa.e haiñ

kyā kyā na zindagī meñ fareb-e-nazar mile
rahzan the asl meñ jo hameñ rāhbar mile

har-gām par fareb diye jis nasīb ne
phir us pe e.atibār muqaddar kī baat hai

kyā kyā diye fareb ġham-e-ishq-e-yār ne
dil ham se bad-gumān hai aur rāz-dāñ se ham

sab se baḌā fareb hai ḳhud zindagī 'adā'
is hīla-jū ke saath haiñ ham bhī bahāna-sāz

fareb khā ke junūñ aql ke khilaunoñ se
ḳhudā vo vaqt na laa.e ki maiñ bahal jā.ūñ

itnā to dil-fareb na thā dām-e-zindagī
le aa.e e'tibār ke sāñche meñ Dhaal kar

ye sab fareb hai maiñ kyā huuñ merī chāhat kyā
jo ho sake to mirī tarah tū bhī ho jaanā