Collections

Lab Shayari

Motivational Ghazals

Best Khamoshi Shayari

More Collections

Tags-Dhoop

dhuup niklī din suhāne ho ga.e
chāñd ke sab rañg phīke ho ga.e

dhup nikli din suhane ho gae

bālā-e-jabīñ ḳhuun jab aayā to araq kyā
ai jalva-gah-e-husn tirī dhuup kaḌī hai

ek ek ghaDi uski qayamat ki ghaDi hai

'ābid' ġhamoñ kī dhuup meñ jalnā hai chaar din
bas qissa muḳhtasar hai ye umr-e-darāz kā

giton ka shahr hai ki nagar soz-o-saz ka

tamām shahr kī ta.amīr dhuup ne kī hai
milegī chhāñv bhī us kā hī aasrā le kar

samaaton mein bahut dur ki sada le kar

ham-safar lutf-e-safar aur do-bālā hogā
chhāñv meñ dhuup agar thoḌī milā dī jaa.e

kaun kahta hai ki nafrat ko sada di jae

jalā.e kis tarah ye dhuup mujh ko
kahīñ barsāt meñ rakkhā huā huuñ

kahan din raat mein rakkha hua hun

saroñ pe oḌh ke mazdūr dhuup kī chādar
ḳhud apne sar pe use sā.ebāñ samajhne lage

saron pe oDh ke mazdur dhup ki chadar

maiñ daldaloñ ke ilāqe meñ aa gayā shāyad
ki dhuup tez hai lekin havā.eñ siilī haiñ

wo suraten jo baDi shoKH hain sajili hain

ghaḌiyāñ kāñdhoñ pe rakhe ye mire peḌ se log
sub.h se shaam talak dhuup ko Dho.e jaa.eñ

sehan-e-ainda ko imkan se dhoe jaen

ab bhī gardish meñ mirī dhuup rahā kartī hai
yahī saaya jo udhar hai ye idhar thā pahle

tang-o-mahdud bahut husn-e-nazar tha pahle

mujh pe thā har vajūd kā saaya
dhuup ko jab barahna-sar dekhā

maine jab tab jidhar jidhar dekha

har na.e moḌ dhuup kā sahrā
kārvāñ-sāz rah ga.e tanhā

har nae moD dhup ka sahra

sahar aa.ī hai din kī dhuup liye
ab nasīm-e-sahar nahīñ miltī

dil ki dil ko KHabar nahin milti

ḳhālī dāman ghar meñ aayā aur phir
dhuup jitnī thī vo bhar kar le gayā

aaina mera badal kar le gaya

khulī huī thī duur duur tak
tabassumoñ kī surḳh dhuup

shanaKHt

vo zulf havāoñ meñ bikharne ke liye thī
aur jism mirā dhuup meñ jalne ke liye thā

palkon pe sitara sa machalne ke liye tha

banāo saa.e harārat badan meñ jazb karo
ki dhuup sehan meñ kab se yūñhī paḌī huī hai

koi mila to kisi aur ki kami hui hai

hamārī ḳhair hai aadī haiñ dhuup sahne ke ham
huā hai aap bhī mahrūm sā.ebān se vo

hua nahin hai abhi munharif zaban se wo

ye safar kyā ki jahāñ chhāñv milī baiTh ga.e
dhuup kitnī hī kaḌī ho magar ārām ġhalat

aur kuchh lafz gaDhun sanat-e-iham ghalat

basantī dhuup āñgan meñ simaT kar so rahī hai
havā ke dosh par peḌoñ ke sar rakkhe ga.e haiñ

hisar-e-hosh mein KHwabon ke dar rakkhe gae hain