Collections

Lab Shayari

Motivational Ghazals

Best Khamoshi Shayari

More Collections

Tags-Dhoop

zard galiyoñ meñ khule sabz darīche jin meñ
dhuup lipTī rahī aur saa.e ko jaltā dekhā

zulf dekhi wo dhuan-dhaar wo chehra dekha

ye us kī yaad tapāñ kyuuñ hai dhuup sī 'fāḳhir'
vo bevafā to barastī ghaTāoñ jaisā thā

meri hayat ke sahra mein chhanw jaisa tha

tirī mahfil meñ aatā huuñ pahan kar dhuup kā chashma
nazar tujh par Tikāne ke bahāne DhūñD letā huuñ

ghazal tumko sunane ke bahane DhunD leta hun

peḌ apne dasht meñ ab ham lagā kar kyā kareñ
dhuup ne phailā diye haiñ duur tak saa.e bahut

munh andhere ghar se nikle phir the hangame bahut

dhuup kā sahrā nazar aatā hai ab chāroñ taraf
aap to har peḌ kā saayā uThā kar le ga.e

kya kahen mahfil se teri kya uTha kar le gae

dhuup kaḌī hai nañgā sar hī sahrāoñ se guzrūñgā
apne dupaTTe ke pallū kā mere sar par saayā kar

sapne ki wadi ko taj kar rup-nagar mein aaya kar

lauh kā rāsta, dhuup ke shāmiyānoñ se Dhāñpā huā
ajnabī ajnabī chaap suntā rahaa... saath chaltā rahā

qaza nahin hona tujhe

sham-e-ummīd ke mānind milā hai koī
hijr kī dhuup kā unvān badal kar dekheñ

zindagi aa tera arman badal kar dekhen

apnā bādal talāshne ke liye
umar bhar dhuup meñ nahā.e ham

raste se gae haTae hum

dhuup kī fasleñ ugeñgī ye hameñ ma.alūm thā
phir bhī ham sab ke diloñ meñ chāñdnī bote rahe

umr-bhar kuchh is tarah hum jagte sote rahe

na rahguzār-e-shajar-dār hai na āb-o-sahāb
ye tez dhuup ye sahrā-e-jāñ hai mere liye

qadam qadam pe naya imtihan hai mere liye

saaya hai aur kashīda kitnā
dhuup hai aur kaḌī hai kaisī

aankh be-KHwab hui hai kaisi

safar meñ dhuup kī lazzat pas-e-ġhubār huī
ghane daraḳhtoñ ke saa.e meñ garmiyāñ jāgīñ

har ek samt udasi ki titliyan jagin

dhuup kā naam jo hai saaya to saaya hī sahī
aap kahte haiñ agar aisā to aisā hī sahī

dhup ka nam jo hai saya to saya hi sahi

zindagī kī dhuup meñ murjhā gayā merā shabāb
ab bahār aa.ī to kyā abr-e-bahār aayā to kyā

bad-dili mein be-qarari ko qarar aaya to kya

chhaTā jahāñ se us āvāz kā ghanā bādal
vahīñ se dhuup ne talve jalā.e haiñ kyā kyā

kahin se lauT ke hum laDkhaDae hain kya kya

yuuñ sunahrī dhuup bikhrī hai ruḳh-e-kohsār par
jis tarah ġhāza chamaktā hai tire ruḳhsār par

yun sunahri dhup bikhri hai ruKH-e-kohsar par

dhuup baḌhī to vo bhī apne apne paañv khīñch ga.e
maiñ ne apne hisse kī jin peḌoñ ko hariyālī dī

dhup baDhi to wo bhi apne apne panw khinch gae

ġhamoñ kī dhuup kaḌī dopahar se guzre haiñ
tamām umr jhulastī Dagar se guzre haiñ

ghamon ki dhup kaDi dopahar se guzre hain

thī kabhī rashk-e-mahr ke āshiq
dhuup kā rañg zard rahtā hai

munh jo furqat mein zard rahta hai