Tags-Dhoop

jism kā jas ruup kā ras kaam kā kas
zindagī kī ye suhānī dhuup bahlātī rahī hai mere man ko

ḳhatm ho gī ye kaḌī dhuup bhī 'amabar' dekho
ek kohsār ko mausam ne gul-andām kiyā

aaj phir dhuup kī shiddat ne baḌā kaam kiyā
ham ne is dasht ko lamhoñ meñ kañval-fām kiyā

sunā hai dhuup ko ghar lauTne kī jaldī hai
vo aaj vaqt se pahle hī shaam kar degī

rashk bādal ko bhī huā hogā
dhuup us par chamak rahī hogī

dhuup ke mausam meñ the pāyāb dariyā sab magar
kaise kaise ḳhushk manzar ab ke barsātoñ meñ haiñ

dhuup kī mānind hai ye zindagī 'tāriq' mujhe
dhuup ke dālān meñ vo aanā jaanā yaad hai

vo jab degā jo kuchh degā degā apne vāloñ ko
vaise bhī kuchh miltā kab hai dhuup meñ tapne vāloñ ko

hai agar dhuup to ab dhuup sahī
sar pe mere koī to saaya hai

tum ne Dhalte sāyoñ kī siyāsat se gurez kiyā hai
tum dhuup se Dare ho

yahāñ
kabhī kabhī dhuup bhī

ziist be-ma.anī vahī be-sar-o-sāmānī vahī
phir bhī jab tak hai tirī dhuup kā saayā mire dost!

zindagī dhuup kā maidān banī baiThī hai
apnā saaya bhī gurezāñ, tirā dāmāñ bhī ḳhafā

safar kī dhuup meñ chehre sunahre kar liye ham ne
vo andeshe the rañg āñkhoñ ke gahre kar liye ham ne

nikal paḌe jo safar meñ to sochnā kaisā
kahāñ hai dhuup kahāñ sā.ebān chhoḌ na yaar

fāsle kuchh qadmoñ meñ sameTe āñkhoñ meñ kuchh dhuup ke phuul
is ke alāva aur na ham ne kuchh sāmān-e-safar māñgā

mire irāde pe munhasir hai ye dhuup aur chhāñv kā Thaharnā
ki ek saa.at kisī gumāñ kī hai ek lamha kisī yaqīñ kā

ye jo har dhuup ko lalkārtī rahtī hai sadā
kyā mire sar pe duāoñ kī hai mehrāb koī

hijr sāmāñ hai ravāñ sū-e-shab-e-vasl 'shahāb'
dhuup oḌhe hue zer-e-shajar aatā hai koī

is hasīn manzar se dukh ka.ī ubharne haiñ
dhuup jab utarnī hai barf ke makānoñ par