Tags-Dil

ye jabr zīst-e-mohabbat pe kab talak āḳhir
ki dil salām kareñ aur nazar na pahchāne

mujhe jazb-e-dil ne ai juz bahak ke rakhā qadam koī
mujhe par lagā.e shauq ne kahīñ thak ke maiñ jo Thahar gayā

dil-e-nā-tavāñ ko takān ho mujhe us kī taab na thī zarā
ġham-e-intizār se bach gayā thā naved-e-vasl se mar gayā

na chāhne pe bhī tujh ko ḳhudā se maañg liyā
ye haal hai dil-e-be-mudda.ā ke hote hue

'farāz' aise bhī lamhe kabhī kabhī aa.e
ki dil-girafta rahe dilrubā ke hote hue

aatī jaatī huī havāoñ par
dil kā paiġhām likh diyā maiñ ne

saikḌoñ zaḳhm haiñ mire dil par
ab to yaaro mujhe muaaf karo

ab jā kar ke dil ko ye ehsās huā
terā pyaar bhī pyaar nahīñ ik sāzish hai

na jafā se hai mere dil ko qarār
na tasallī vafā se hotī hai

donoñ pis pis ke rañg laate haiñ
chheḌ dil se hinā se hotī hai

dil kī taḳhtī pe bhī āyāt likhī rahtī haiñ
vaqt mil jaa.e to un kī bhī tilāvat karnā

vo jo be-vaj.h muskurāte haiñ
saikḌoñ vahm dil meñ aate haiñ

un ko sharm-o-hayā nahīñ aatī
dil churā kar nazar churāte haiñ

tere kūche meñ ham bhī ab thak kar
dil ke mānind baiThe jaate haiñ

tum mire dil meñ ho to dekhūñ maiñ
huur o ġhilmāñ kahīñ samāte haiñ

suno ki dil ko mire e.atibār-e-zīst nahīñ
rukā huuñ ek nafas arz-e-mudda.ā ke liye

dayār-e-dil to huā vaqf-e-āhuvān-e-javāñ
ab aur koī banā.eñge ghar ḳhudā ke liye

pahlū meñ mere dil ko na ai dard kar talāsh
muddat huī ġharīb vatan se nikal gayā

muñh pe bikhrā liye baal aap ne sub.hān-allāh
dil-lagī dekh ke karte haiñ pareshānoñ se

tū muqallid thā aql vāloñ kā
tū na samjhā muāmle dil ke