Tags-Dil

dil-e-hazīñ kā taqāza hai jāda-e-ġham meñ
nazar ke saath fareb-e-nazar ko yaad karo

terā armāñ tirī hasrat ke sivā kuchh bhī nahīñ
dil meñ ab terī mohabbat ke sivā kuchh bhī nahīñ

rah ga.ī dab ke mire dil hī meñ ummīd-e-visāl
ab malāl-e-shab-e-furqat ke sivā kuchh bhī nahīñ

bayāz-e-dil kī kareñ to kareñ kahāñ islāh
kitābat aisī huī hai ki hāshiye hī nahīñ

ujaaḌ ho gayā sahrā-e-dil ki jaise yahāñ
ġhazāl o zaiġham o kargas kabhī rahe hī nahīñ

koī fareb ki ham jis se dil ko bahlā.eñ
talāsh karte haiñ ḳhat us ne jo likhe hī nahīñ

dil lubhāte hue ḳhvāboñ se kahīñ behtar hai
ek aañsū ki jo āñkhoñ ko munavvar kar de

lage bujhātā nahīñ vo dushman jalan ye hai pheñk rahā hai tan-man
charāġh sā dāġh-e-dil hai raushan diyā-salā.ī hai ustuḳhvāñ hai

tabī.at apnī hai kyuuñ mukaddar nahīñ samajhtā na samjhe dilbar
karegā dushman bhī rahm ham par agar ḳhudā apnā mehrbāñ hai

kabhī hai mānind-e-mauj-e-dariyā kabhī hai misl-e-ġhubār-e-sahrā
kahūñ maiñ kyā haal apne dil kā bichhaḌ ke mujh se ravāñ-davāñ hai

yahī haiñ ma.anī-e-ishq-e-kāmil ki sau balāoñ se huuñ muqābil
buland hai ab jo nāla-e-dil sipāh-e-andoh kā nishāñ hai

ḳhudā na dikhlā.e achchhī sūrat abhī to aa jaatī hai harārat
paḌegī be-shak nigāh-e-ulfat za.iif go maiñ huuñ dil javāñ hai

kiyā hai kyuuñ 'bahr' se kinārā tirī judā.ī ne mujh ko maarā
are but-e-sañg-dil ḳhudā-rā bulā le mujh ko bhī to jahāñ hai

dil apnā yād-e-yār se begāna to nahīñ
goyā ki ḳhālī mai se ye paimāna to nahīñ

jhukte haiñ us ko har jagah maujūd pā ke 'soz'
dil meñ hamāre ka.aba-o-but-ḳhāna to nahīñ

ho lene do bārish ham bhī ro leñge
dil meñ haiñ kuchh zaḳhm purāne dho leñge

dil kī dhaḌkan baḌhī hai sunñe vāloñ kī
kis ne ḳhabar uḌā dī ham kuchh boleñge

tū itnī dil-zada to na thī ai shab-e-firāq
aa tere rāste meñ sitāre luTā.eñ ham

na kuchh davā kī zarūrat na chāra-gar kī talāsh
ye rog kaun sā dil ko lagā liyā maiñ ne

halqa halqa ghar banā laḳht-e-dil-e-betāb kā
zulf-e-jānāñ meñ hai aalam sub.ha-e-sīmāb kā