Tags-Dil

nāz-e-bejā uThā.iye kis se
ab na vo dil na vo dimāġh rahā

maiñ dil ko us kī taġhāful-sarā se le aayā
aur apne ḳhāna-e-vahshat meñ zer-e-dām rakhā

dil bhī dāġh-e-naqsh-e-kuhan se bujhā huā thā
chāñd ke gird bhī ik haala sā banā huā thā

na aayā rahm kuchh bhī aah dil meñ us sitamgar ke
hamārī jab.ha-sā.ī ke asar se āstāñ royā

har ik azv-e-badan mātam-kunāñ hai dil ke jaane se
huā yūsuf jo gum to kārvāñ kā kārvāñ royā

ai dil-e-be-qarār sun rone se fā.eda hai kyā
jis ne bhulā diyā tujhe tū bhī use bhulā.e jā

zauq-e-tulū-e-sub.h bhī degī ye tīrgī tujhe
raat tavīl hai to kyā dil kā diyā jalā.e jā

dil dard kī bhaTTī meñ ka.ī baar jale hai
tab ek ġhazal husn ke sāñche meñ Dhale hai

kyā dil hai ki ik saañs bhī ārām na le hai
mahfil se jo nikle hai to ḳhalvat meñ jale hai

rābte meñ rahā karo tum bhī
na kahīñ dil ḳharāb ho jaa.eñ

siine meñ yahāñ dil hai na pahlū meñ jigar hai
ab kaun hai jo tishna-e-paikān-e-nazar hai

barq ban ban ke girī hai mire dil par akasr
vo tajallī jo sar-e-tūr nazar aatī hai

dil bhar aatā hai mirā dekh ke nam aañkh koī
apne rone pe to ab mujh ko hañsī aatī hai

dil bhī nahīñ hai mahram-e-asrār-e-ishq dost
ye rāzdāñ bhī halqa-e-bairūn-e-dar hai aaj

kal tak thī dil meñ hasrat-e-āzādī-e-qafas
āzād aaj haiñ to ġham-e-bāl-o-par hai aaj

ajab sī be-kalī se chuur koī
kuchh apne dil se hai majbūr koī

ajab tamāshā hai kis se kahiye asar nahīñ sañg-dil ke dil meñ
karūñ huuñ yaaro maiñ ek dam meñ hazāroñ naale va aah lākhoñ

pher jo paḌnā thā qismat meñ vo hasb-e-ma.amūl paḌā
ḳhanda-e-gul se uḌā vo sharāra ḳhirman-e-dil par phuul paḌā

husn-o-ishq kī an-ban kyā hai dil ke phañsāne kā phandā
apne hāthoñ ḳhud aafat meñ jā ke ye nā-māqūl paḌā

jo dil meñ rah ke bhī anjān sī rahī barsoñ
kisī kī us nigah-e-fitna-gar ko yaad karo