Tags-Dil

mohr-e-dast-āvez-e-ġham hai har bashar kā dāġh-e-ġham
dil hai mahzar sohbat-e-gum-karda-e-ahbāb kā

mere murġh-e-dil kī betābī uḌaa.ī kis tarah
hausla aisā nahīñ hai tā.ir-e-sīmāb kā

agarche ye dil-fareb rasta bhī ḳhār-zāroñ kī anjuman hai
magar mirā jī ye chāhtā hai ki aable ḳhud hī phuuT jaa.eñ

jahāñ kī rañgīniyoñ kī hamrāz aañkh patthar banī huī hai
ye haal ab ho gayā hai dil kā na ro sakeñ ham na muskurā.eñ

shagufta kaliyoñ kī dil kī dhaḌkan udaas lamhoñ meñ so ga.ī hai
sukūt vo chhā gayā ki har-sū bahār kartī hai saa.eñ saa.eñ

umr bhar fikr-e-suḳhan meñ thā 'hafīz'
shā.erī kā dil meñ ik nāsūr thā

dil ko chhūtī huī yuuñ dard kī lahreñ guzrīñ
phir koī jhiil meñ lagtā hai ki Duubā jaise

tujhe bahāna-e-rāhat hai intizār ai dil
kiyā hai kis ne ishārā ki nāz-e-bistar khīñch

tirī taraf hai ba-hasrat nazāra-e-nargis
ba-korī-e-dil-o-chashm-e-raqīb sāġhar khīñch

mire qadah meñ hai sahbā-e-ātish-e-pinhāñ
ba-rū-e-sufra kabāb-e-dil-e-samandar khīñch

ḳhumār-e-minnat-e-sāqī agar yahī hai 'asad'
Dil-e-gudāḳhta ke mai-kade meñ sāġhar khīñch

le ke dil mehr se phir rasm-e-jafā-kārī kyā
tum dil-ārām ho karte ho dil-āzārī kyā

teġh-e-abrū kī to ulfat ne kiyā dil ko do-nīm
dekheñ ab kartī hai kākul kī giraftārī kyā

phir sināñ mizzha-e-dil par vo uThātā hai 'nazīr'
zaḳhm-e-shamshīr-e-nigah aah nahīñ kaarī kyā

kyā musībat hai ki jis din se chhuTī mai-noshī
dil jalāne ke liye roz ghaTā aatī hai

nūr-e-īmāñ surma-e-chashm-e-dil-o-jāñ kījiye
parda-dār-e-husn-e-yaktā chashm-e-hairāñ kījiye

kāñptā hai vo dil ġhazab se tire
jis ne ai but ḳhudā kā Dar na kiyā

dil use de ke chale mulk-e-adam ko be-ḳhauf
maal rakhte nahīñ andesha-e-rahzan kaisā

dil-e-betāb kī hai sīna-e-sozāñ meñ sadā
asl paara kī hai kyā dāna-e-gulḳhan kaisā

khelte ho dil-e-betāb se phūloñ kī tarah
aur hotā hai mirī jaan laḌakpan kaisā