Tags-Dua

ab hai duā ye apnī har shaam har sahar ko
yā vo badan se lipTe yā jaan tan se nikle

māñgtā bhī nahīñ kisī se kuchh
lab pe lekin duā bhī rakhtā hai

junūñ meñ dhyān se āḳhir phisal ga.ī koī shai
na jaane kis kī duā se sambhal ga.ī koī shai

donoñ hāthoñ se chhupānā tire chehre kā mujhe
sochtā huuñ to tirā dast-e-duā lagtā hai

kisī kā mujh pe kuchh ehsān ho ḳhudā na kare
davā to kyā mire haq meñ koī duā na kare

jo duā dete the jiine kī mujhe vo dost bhī
uTh ga.e bālīñ se merā haal abtar dekh kar

aa ke be-parda mileñ vo dam-e-naz.a
ye duā āshiq-e-bīmār kī hai

kyā ḳhabar kis kī duā se vo hameñ mil jaa.e
ik parinda isī ummīd pe āzād kiyā

jaan tum par nisār kartā huuñ
maiñ nahīñ jāntā duā kyā hai

bad-duā kab thī magar haañ mujhe aayā thā ḳhayāl
ishq jis se hai use vo bhī kisī kā ho jaa.e

joḌnā aatā hai TuuTe hue shīshoñ ko mujhe
bas jo baal aa.e duā ye hai ki dhuñdlā ho jaa.e

phir balā koī mere paas se guzre kaise
jab duā maañ kī mire sar kā dupaTTa ho jaa.e

ye kis ke bojh ne mujh ko thakā diyā ki yahāñ
ba-juz-duā koī sāmān bhī nahīñ merā

ik mirī ḳhātir jo the sab ke duā-go kyā hue
uf ye mahrūmī ki hai sahmā huā aalam tamām

dard ke lā-matanāhī sahrā se guzarne ke baad maañ ne āñkheñ kholīñ
dekhā duā ke liye uThe haath gir chuke the kyūñki maiñ

agar vo ḳhud hī bichhaḌ jaane kī duā karegā
to us se baḌh ke mire saath koī kyā karegā

aarzū tujh se ye kahtā huuñ shab-e-furqat meñ
ḳhud duā honā kabhī dast-e-duā ho jaanā

kisī aur shab maiñ sunā.ūñgā ye ġhazal tumheñ
abhī aañkh nam abhī dil duā nahīñ ho sakā

mere to apne ravayye hī mire dushman haiñ
jo bhī miltā hai vo jiine kī duā detā hai

kahīñ se koī tamannā duā meñ aa na sake
mire ḳhudā tū mire dil ko be-zabāñ kar de