Tags-Dua

vo daur bhī thā ki fāsloñ se guzar rahī thī nadī kī sūrat
na jaane kis kī duā hai yāroñ ki mujh meñ bhī aa ga.ī udāsī

bad-duā ab mire hoñToñ pe machaltī hī nahīñ
isī duniyā meñ mirī chhoTī sī duniyā bhī to hai

qarār-e-gud-shuda mere ḳhudā kab aa.egā
mirī duāoñ meñ rañg-e-duā kab aa.egā

nikalnā ruuh kī gahrā.ī se aur
duā kā hāmil-e-tāsīr honā

ye duā hai navāz de yā rab
ilm-o-fan se ġharīb haiñ ham to

tirī amānateñ mahfūz rakh na pā.ūñgā
dobāra lauT ke aane kī bas duā le jā.ūñ

nahīñ vo sham-e-mohabbat rahī to phir 'āsim'
ye kis duā se mire ghar meñ raushnī sī hai

tujh se mil kar aane vaale kal se nafrat mol lī
ab kabhī tujh se na bichhḌūñ ye duā apnī jagah

ka.ī dinoñ se use mujh se koī kaam nahīñ
yahī sabab hai ki mujh se duā salām nahīñ

akasr auqāt aise kaam kiye
ham ne maaoñ kī bad-duā jaise

kar diyā hai ḳhudā-e-vāhid ne
band ham par dar-e-duā jaise

falak tamām hai āġhosh-e-bāb-e-mahrūmī
shajar shajar yahāñ dast-e-duā hai mere liye

kis tarah tujh se mulāqāt mayassar hove
ye duā-go tirā ne zor na zar rakhtā hai

use paane kī karte ho duā to
magar us se bhī kal jī bhar gayā to

ye tamāshā dīdanī Thahrā magar dekhegā kaun
ho ga.e ham raakh to dast-e-duā raushan huā

muddatoñ ke baad phir kunj-e-hirā raushan huā
kis ke lab par dekhnā harf-e-duā raushan huā

nā-gahāñ pañja-e-qātil se maiñ kyā chhūT gayā
us kī hasrat mire jiine kī duā kartī hai

kartā rahā maiñ minnateñ kam kī na kuchh duā
hāsil huā na kuchh to ḳhudā be-asar lagā

dil-e-muztar kī davā kījiyegā
na ho mumkin to duā kījiyegā

maiñ zindagī kī duā māñgne lagā huuñ bahut
jo ho sake to duāoñ ko be-asar kar de