Tags-Dua

tumhārā sanā-ḳhvāñ tumhārā duā-go tumhārā fidā.ī tumhārā salāmī
ye kyā kah diyā us ne vāqif nahīñ ham vahī haañ vahī 'nūh' tūfān vaalā

duā ko nahīñ raah miltī falak kī
kuchh aisā hujūm-e-balā ho rahā hai

muddateñ ho ga.iiñ ḳhatā karte
sharm aatī hai ab duā karte

harf-e-duā na dast-e-talab dar pe aan kar
lab par faqat hai raqs meñ ik dil-figār chup

māñgne ko to yahāñ apne sivā kuchh bhī na thā
lab pe aatā bhī agar harf-e-duā kyā karte

isī jazīra-e-jā-e-namāz par 'sarvat'
zamāna ho gayā dast-e-duā buland kiye

jitne shā.ir haiñ unhoñ ne hameñ izzat dī hai
ham 'rashīd' un ko shab-o-roz duā dete haiñ

duā to ḳhair duā se umīd-e-ḳhair bhī hai
ye mudda.ā hai to anjām-e-mudda.ā ma.alūm

baḌhtā jaatā hai añdherā jaise jaadū ho koī
koī paḌh liije duā lekin asar kuchh bhī nahīñ

koste haiñ jale hue kyā kyā
apne haq meñ duā kare koī

chhoḌ kar phir se lauT aatā hai
tū mirī kis duā kī qaid meñ hai

kab tak tū āsmāñ meñ chhup ke baiThegā
maañg rahā huuñ maiñ kab se duā bāhar aa

gar duā hai to phir asar chamke
shāḳh par ek to samar chamke

is kā gila nahīñ ki duā be-asar ga.ī
ik aah kī thī vo bhī kahīñ jā ke mar ga.ī

tire shabāb par sadā karam rahe bahār kā
tujhe lage mirī duā sharāb lā sharāb lā

merā duā se baḌh ke davā par yaqīn hai
mujh se vasīla chhoḌ vasā.il pe baat kar

rad nahīñ hotī kabhī sunte yahī aa.e haiñ
chāñdnī raat meñ milne kī duā kar dekho

kahīñ nākāmi-e-asar āḳhir
mudda.ā-e-duā na ho jaa.e

duā ye māñgī hai sahme hue muarriḳh ne
ki ab qalam ko ḳhudā surḳh raushnā.ī na de

dil kī masjid meñ kabhī paḌh le tahajjud kī namāz
phir sahar ke vaqt hoñToñ par duā bhī aa.egī