Tags-Dua

chhoTā na baḌā koī bande haiñ sabhī rab ke
aalī na ho kamtar ho aao ye duā māñgeñ

jo tafarqe ham meñ hai nashtar ke mumāsil hai
ab duur ye nashtar ho aao ye duā māñgeñ

apnī hasrat to vo puurī kar le
dushman-e-jāñ ko duā bhī dūñgā

mālūm hai vo mujh se ḳhafā hai bhī nahīñ bhī
mere liye hoñToñ pe duā hai bhī nahīñ bhī

vo sāneha mire dil par guzar gayā 'gulnār'
har ek harf-e-duā be-sadā huā merā

dhuup saa.e kī tarah phail ga.ī
in daraḳhtoñ kī duā lene se

koī maqbūl duā hotī hai
sirf hāthoñ ko uThā lene se

duā qubūl huī iztirāb baaqī hai
yahī bahut hai ki kuchh kāmyāb sā huuñ maiñ

havas shāmil hai thoḌī sī duā meñ
abhī is lau meñ halkā sā dhuāñ hai

jo ham se tū milā karegā
banda tujh ko duā karegā

bas ham ne saath tirā har duā meñ māñgā hai
ki apnī jaañ se ziyāda tujhī ko chāhā hai

niiñd rātoñ kī uḌā dete haiñ
ham sitāroñ ko duā dete haiñ

tarke meñ kuchh bhī chhoḌūñ na chhoḌūñ yahāñ magar
bachchoñ ke haq meñ apnī duā chhoḌ jā.ūñgā

ab aur kyā tirā bīmār baap degā tujhe
bas ik duā ki ḳhudā tujh ko kāmyāb kare

tā salāmat tū aa.e ai qāsid
Thahar itnā karūñ duā hamrāh

ḳhudā! sila de duā kaa, mohabbatoñ ke ḳhudā
ḳhudā! kisī ne kisī ke liye duā kī thī

hasad kā rañg pasandīda rañg hai sab kā
yahāñ kisī ko koī ab duā nahīñ detā

to kyuuñ ye sāhil kī dhuup mere niDhāl qadmoñ se aa lagī hai
mujhe kināre lagā diyā hai agar kisī shaḳhs kī duā ne

shā.erī pahle rasūloñ kī duā thī 'qaisar'
aaj is ahd meñ ik sho.abda-e-zāt huī

tire marīz ko duniyā meñ kuchh nahīñ lagtā
davā lage na raqīboñ kī bad-duā lagtī