Tags-Dua

kab tak tū āsmāñ meñ chhup ke baiThegā
maañg rahā huuñ maiñ kab se duā bāhar aa

lab-e-bīmār thartharāte haiñ
jhuk ke suniye zarā duā kyā hai

log jis haal meñ marne kī duā karte haiñ
maiñ ne us haal meñ jiine kī qasam khaa.ī hai

māñgī thī āfiyat kī duā āgahī kā ġham
pahle se bhī kuchh aur sivā kar diyā gayā

dil se umañg lab se duā chhīn lī ga.ī
kahne ko qaidiyoñ ko rihā kar diyā gayā

rū-ba-rū but ke duā kī bhuul ho jaa.e to phir
aur phir vo hī duā maqbūl ho jaa.e to phir

haath uThā.e jo duā ko to tujhe hī māñgā
ye to allāh se saudā huā sajda na huā

vo chāhtā hai kyā ye mujhe thī ḳhabar magar
meñ us ke saath saath duā meñ lagā rahā

kyuuñ mere haq meñ faisla utrā nahīñ kabhī
maiñ bhī to us ke saath duā meñ lagā rahā

vo ek shaḳhs ki manzil bhī rāstā bhī hai
vahī duā bhī vahī hāsil-e-duā bhī hai

duā.eñ yaad karā dī ga.ī thiiñ bachpan meñ
so zaḳhm khāte rahe aur duā diye ga.e ham

diloñ se rabt hai koī na dard se rishta
koī batā.e bhalā ab duā kidhar jaa.e

kabhī be-samt na hone kī duā māñgī thī
kasrat-e-samt se rasta mirā ma.amūr huā

pyaas ke haq meñ mire hoñT duā karte the
pyaas kī chaah meñ ab jo bhī milā achchhā thā

ujālā karte tumhāre ghar meñ jo bas meñ hotā 'ġhazal' hamāre
duā hamārī hai umr saarī ḳhudī ko tum bā-kamāl rakhnā

aisī manzil par mujhe pahuñchā diyā hai ishq ne
merā jo qātil hai us ko bhī duā detā huuñ maiñ

koī duā kabhī to hamārī qubūl kar
varna kaheñge log duā se asar gayā

naved dī hai ye mahrūmī-e-mohabbat ne
duā kī be-asarī kā zamāna aayā hai

ġham-e-mohabbat hai kār-farmā duā se pahle asar se pahle
batā rahī hai ye dil kī dhaḌkan vo aa rahe haiñ ḳhabar se pahle

ajab ġharībī ke aalam meñ mar gayā ik shaḳhs
ki sar pe taaj thā dāman meñ ik duā bhī na thī