English
Favourite
Favourite
UrduShayarUrduShayar
Expand menu
Sign inAccount

Tags-Dua

ḳhudā aise bande se kyuuñ phir na jaa.e
jo baiThā duā māñgnā jāntā hai
Ghazal
 zamana KHuda ko KHuda jaanta hai
jo mire qatl ke darpai thā na jaane kab se
aaj vo bhī mujhe jiine kī duā detā hai
Ghazal
 ruKH se fitrat ke hijabaat uTha deta hai
zaḳhm aur peḌ ne ik saath duā māñgī hai
dekhiye pahle yahāñ kaun harā hotā hai
Sher
 zaKHm aur peD ne ek sath dua mangi hai
pahuñche sar-e-arsh-e-barīñ ummīd to aisī nahīñ
hāthoñ hī tak mahdūd hai merī duā kī dastaras
Ghazal
 jaane ko jae fasl-e-gul aane ko aae har baras
harīf-e-matlab-e-mushkil nahīñ fusūn-e-niyāz
duā qubūl ho yā rab ki umr-e-ḳhizr darāz
Ghazal
 harif-e-matlab-e-mushkil nahin fusun-e-niyaz
kyuuñ un se vaqt-e-qatl kiyā shikva ġhair kā
karnī thī maġhfirat hī kī apnī duā mujhe
Ghazal
 tum ghair se milo na milo main to chhoD dun
koī to phuul khilā.e duā ke lahje meñ
ajab tarah kī ghuTan hai havā ke lahje meñ
Sher
 koi to phul khilae dua ke lahje mein
bosa bhī mujhe denā hoñToñ meñ bhī kuchh kahnā
jiine kī davā denā marne kī duā karnā
Ghazal
 rakhna KHam-e-gesu mein ya dil ko riha karna
us ke hoñToñ pe bad-duā bhī nahīñ
ab mire vāste sazā bhī nahīñ
Ghazal
 uske honTon pe bad-dua bhi nahin
āḳhir maiñ duā meñ Dhal chukā thā
duniyā mujhe aa ke dekhtī thī
Ghazal
 kal KHwab mein ek pari mili thi
dast-e-duā bhī kaaT ke ahbāb chal diye
hāl-e-dil-e-shikasta meñ shāmil kaheñ kise
Ghazal
 saz-e-hayat qaid-o-salasil kahen kise
parinde apne Thikānoñ ko ḳhair se pahuñche
duā yahī hai ki koī Thahar na jaa.e kahīñ
Ghazal
 ye zinda rahne ka mausam guzar na jae kahin
vaar sab piiTh pe karte haiñ yuuñ dil meñ rah kar
tū batā de maiñ duā duuñ to duā duuñ kis ko
Ghazal
 apne hisse ki ana dun to ana dun kis ko
dekh kar tūl-e-shab-e-hijr duā kartā huuñ
vasl ke roz se bhī umr mirī kam ho jaa.e
Ghazal
 jab ayan subh ko wo nur-e-mujassam ho jae
dard-e-sar thī duā mohabbat meñ
haath ham jaan se uThā baiThe
Ghazal
 raaz-e-dil dost ko suna baiThe
khīñchtā huuñ dāman-e-dilbar ko maiñ
ai duā tū dāman-e-tāsīr khīñch
Ghazal
 ai musawwir surat-e-dil-gir khinch
duā hai 'qaisar'-e-mahjūr kī yahī paiham
ki tū bhī jalva-e-ruḳhsār-e-yār ko tarse
Ghazal
 tujhe bhi chain na aae qarar ko tarse
chikne-mukne āñgan māñgeñ roz duā.eñ parindoñ kī
kabhī to un kī duā suno aur bharī kunDalī bhejo naañ
Ghazal
 sain mere kheton par bhi rut hariyali bhejo nan
daulat ġharaz na thī jo duā se huī husūl
thā aur mudda.ā mire dast-e-kashīda kā
Ghazal
 matam bahut raha mujhe ashk-e-chakida ka
ai zī-hunarāñ tez-ravāñ asr-murīdāñ
ham log duā-go haiñ hamārā bhī adab kuchh
Ghazal
 ghar se hamein jaane ki zarurat nahin ab kuchh
Top Urdushayar.com