Tags-Dua

ai 'mashriqī' nasīb na sū-e-duā hai ye
kyā ġham jo jāgtā huuñ shab-e-intizār meñ

koī harf-e-duā huā bhī nahīñ
hādse jaañ se Tal ga.e kitne

bhalā ye fan hai ke hāsil riyāz se ho jaa.e
kabhī to koī duā āsmān tak pahuñche

chāhtā thā maiñ duā māñgtā par kyā kartā
mere hāthoñ meñ to labrez piyāla thā mirā

ye sharāb zer-e-hasīñ-ghaTā jo hai 'kaif' nāzish-e-mai-kada
kisī tishna-kām kī aarzū kisī tishna-lab kī duā na ho

khulā chaman na havā meñ phir ai naqīb-e-bahār
abhī to zaḳhm hare haiñ tirī duā se mire

vasl kī bhī duā nahīñ hotī
ham se ab iltijā nahīñ hotī

qubūl kaise duā ho bhalā charāġhoñ kī
ki apnī jaan bhī rah jaa.e mo'atabar din-bhar

mire ḳhudā mere jism-o-jāñ ke ḳhudā mire haath jhaḌ na jaa.eñ
duā tah-e-sañg-e-lab gaḌī hai asar zarā sā asar meñ rakh de

har tarah hotī hai māyūsī jab
log karte haiñ duā yā ta.avīz

mirī ġhalatī pe bigaḌtā bhī bahut thā lekin
aur phir mujh ko vo jī bhar ke duā detā thā

'mus.hafī' kyuuñ na duā deve ki us ko tū ne
ik ġhazal aur bhī rañgīn likhā.ī mehñdī

vaqt-e-āḳhir bhī tirī ḳhair ḳhudā se māñgī
zindagī ḳhatm huī harf-e-duā par merī

umr-bhar kī hasrateñ laade thakī-māñdī hayāt
jā rahī hai jaane kis kis ko duā detī huī

maraz-e-ishq jise ho use kyā yaad rahe
na davā yaad rahe aur na duā yaad rahe

dard har rañg se atvār-e-duā māñge hai
lahza lahza mire zaḳhmoñ kā patā māñge hai

ai 'jalī' dahr ke satā.e hue
zindagī kī duā nahīñ karte

lab-e-ḳhandāñ se na deñ kis liye qātil ko duā
roz zaḳhmoñ pe namak aa ke chhiḌak jaatā hai

yahīñ kahīñ pe bhaTaktī haiñ zer-e-charḳh-e-kuhan
hamārī koī duā duur tak nahīñ jaatī

ḳhudā se tujh ko sanam māñgte to mil jaatā
magar adab ne ijāzat na dī duā ke liye