Tags-Dua

jab apnī koī baat baġhair-az-duā na ho
dushman ke kahne sunñe se nādāñ ḳhafā na ho

kahā maiñ ne uThā do haath tum bhī merī mushkil par
to bole ham se istid.ā duā kī mudda.ā samjhe

shahanshāh kahte haiñ un ke gadā se
hamāre liye bhī duā kījiyegā

aaj tak yaad hai kaifiyyat-e-jāñ tere huzūr
sar se pā tak vo mirā dast-e-duā ho jaanā

duā hai apnī yahī shab-e-ġham na ho kabhī iztirāb-e-dil kam
ye zindagī zindagī kahāñ phir jo dil ko apne qarār aayā

har-dam yahī duā hai ḳhudā kī janāb meñ
aa jaa.e yaar ḳhud mire ḳhat ke javāb meñ

āñsuoñ kā rizq hoñgī be-natīja chāhateñ
ḳhushk hoñToñ par laraztī ik duā rah jā.egī

'ahsan' kī tabī.at se abhī tum nahīñ vāqif
hai dil se duā-go sahar o shaam tumhārā

mujh ko taqdīr ne yuuñ be-sar-o-āsār kiyā
ek darvāza duā kā thā so dīvār kiyā

maiñ ne māñgī thī duā TuuT ke barse bādal
ab jo barsā hai to barsā hai ye chhappar saarā

is taraf bhī kabhī aanā ki asīrān-e-qafas
ai nasīm-e-saharī tujh ko duā dete haiñ

jo āñsuoñ se huī bā-vazū akele meñ
dar-e-qubūl khulā us duā ko chhūte hī

sab kuchh paayā us kī duā se
merī har jāgīr meñ vo thī

ye duā hai ki apnī hastī bhī
un ke qadmoñ kī dhuul ho jaa.e

har duā gar qubūl ho jaa.e
zindagī hī fuzūl ho jaa.e

kyā haath uThā.iye duā ko
ham haath uThā chuke duā se

dekhūñ jo chāñdnī meñ lagtā hai mujh ko 'aslam'
pighlī huī duā hai kore ghaḌe kā paanī

baḌhe kuchh aur kisī iltijā se kam na hue
mire harīf tumhārī duā se kam na hue

duā karo ki salāmat rahe mirā pindār
zamīñ pe sochtī huuñ āsmāñ ke baare meñ

jis pe phalte nahīñ duā ke peḌ
us zamīñ se pukārtā hai mujhe