Tags-Dua

ga.e haiñ bāb-e-rasā tak vo dastakeñ ban kar
'zafar' jo haath pe aañsū duā ke rakkhe the

yā-rab hai duā merī
nekī ho adā merī

phuul phir zaḳhm bane haiñ 'nāsir'
phir ḳhizāoñ ko duā de koī

chand peḌoñ ko hī majnūñ kī duā hotī hai
sab daraḳhtoñ pe to patthar nahīñ aayā kartā

kabhī duurī thī lekin ab ḳhayāl-e-ḳhauf-e-dūrī hai
fuġhāñ kī sā.ateñ guzrīñ duā karne kā vaqt aayā

tirchhe sūraj ne sunī sāya-darāzī kī duā
aur ūñchī huī kotāh-qadoñ kī āvāz

ham duā deñ tujhe dil khol ke ai pahlu-e-tañg
TuuT kar siine meñ rah jaa.e jo paikāñ un kā

duā māñgūñ kahāñ kis dar pe jā ke
dayār-e-be-amāñ hai aur maiñ huuñ

bad-duā hai jaane kis kī yaad kī jo har ghaḌī
har guzishta lamhe se vahshat sī hotī hai mujhe

ehsās-e-tīrgī hai to sūraj uchhāl de
varna duā na maañg yahāñ inqilāb kī

mire hisse meñ kyā aa.egā 'bismil'
duā bhī us kī ḳhātir māñgtā huuñ

ḳhud apnā haal dil-e-mubtalā se kuchh na kahā
duā se haath uThā.e ḳhudā se kuchh na kahā

jo mere ḳhadsha-e-fardā pe ḳhanda-zan haiñ 'ḳhalish'
mirī duā hai mile un ko aa ga.ī merī

mire hālāt haiñ nārāz is pe kyā karūñ maiñ
gurezāñ āsmānoñ se duā hai intihā hai

ham kis se shukr-o-mad.h qubūl-o-duā kareñ
lab qismat-e-shikāyat-e-tāsīr kar chuke

aa.e na sar-e-bālīñ gar mere dam-e-murdan
ab bahr-e-duā dilbar marqad pe to aa jaanā

ab kahāñ aisī tabī.at vaale
choT khā kar jo duā karte the

ye dard-e-mohabbat hai mere masīhā
davā se na koī duā se ghaTegā

raah kā shajar huuñ maiñ aur ik musāfir tū
de koī duā mujh ko le koī duā mujh se

mirā haal pūchh ke ham-nashīñ mire soz-e-dil ko havā na de
bas yahī duā maiñ karūñ huuñ ab ki ye ġham kisī ko ḳhudā na de